سولتۇستىك كاسپي جوباسىنداعى «قاشاعان» كەنىشىنىڭ جاساندى ارالىندا ەكى كەمە ءبىر-بىرىمەن سوقتىعىسىپ قالدى. توتەنشە جاعدايلار دەپارتامەنتى تاراتقان مالىمەتكە سۇيەنسەك, بۇرناعى كۇنگى تۇندە «D» ارالىنا تاياۋ ماڭدا تۇرعان بارجاعا تاعى ءبىر كەمە كەلىپ سوقتىعىسقان. سونىڭ سالدارىنان 3 ادام جاراقات الدى. ونىڭ ءبىرى ەلىمىزدىڭ 24 جاستاعى ازاماتى العاشقى مەديتسينالىق كومەك الۋمەن عانا شەكتەلگەن. ال كەمە مەحانيگى بولىپ جۇمىس جاسايتىن 56 جاستاعى ازامات پەن «توپاز مارين» كومپانياسىنىڭ 54 جاستاعى قىزمەتكەرى وبلىستىق اۋرۋحاناعا جەتكىزىلگەن. ولار گرۋزيانىڭ ازاماتتارى ەكەن.
جولداسبەك شوپەعۇل,
«ەگەمەن قازاقستان».
اتىراۋ وبلىسى