ۇلتتىق بانك جاڭا مونەتالاردى اينالىمعا شىعارادى

بانكتىڭ ءباسپاسوز قىزمەتى حابارلاعانداي, مونەتالار 2024 جىلعى 28 تامىزدان باستاپ قۇب-تىڭ kazcoins.nationalbank.kz ينتەرنەت-دۇكەنى ارقىلى ساتىلادى.

2024 جىلى قازاقستاننىڭ حالىق قاھارمانى, ۇلى وتان سوعىسىنىڭ باتىرى – راحىمجان قوشقارباەۆتىڭ تۋعانىنا 100 جىل تولادى.

مونەتالار مەلحيور قوسپاسىنان (من 25) جاسالدى, ماسساسى – 15 گرامم, ديامەترى –  33 مم, دايىنداۋ ساپاسى – brilliant uncirculated, نومينالى – 200 تەڭگەلىك, تارالىمى – 5 000 (بەس مىڭ) دانا.

مونەتانىڭ بەينەسى

2024 جىلى كورنەكتى ارحەولوگ جانە عالىم كەمەل اقىشەۆتىڭ تۋعانىنا 100 جىل تولدى. ونىڭ باسشىلىق ەتۋىمەن الماتى قالاسى ماڭىنداعى ەسىك قورعانىنا ارحەولوگيالىق قازبا جۇمىستارىن جۇرگىزۋ بارىسىندا «التىن ادام» تابىلدى.

مونەتالار مەلحيور قوسپاسىنان (من 25) جاسالدى. مونەتا ماسساسى – 15 گرامم, ديامەترى – 33 مم, دايىنداۋ ساپاسى – brilliant uncirculated, نومينالى – 200 تەڭگەلىك, تارالىمى – 5 000 (بەس مىڭ) دانا.

مونەتانىڭ بەينەسى

«كوللەكتسيالىق مونەتالار قازاقستان رەسپۋبليكاسىنىڭ بۇكىل اۋماعىندا وزدەرىنىڭ بەلگىلەنگەن قۇنىنا ساي تولەمنىڭ بارلىق ءتۇرى بويىنشا قابىلدانۋعا, سونداي-اق ەلدىڭ بارلىق بانكىندە بانك شوتتارىنا ەسەپكە الىنۋعا, اۋدارۋعا, ۇساقتالۋعا جانە ايىرباستالۋعا جاتادى», دەلىنگەن حابارلامادا. 

كوللەكتسيالىق مونەتالار قازاقستان تەڭگە سارايىندا دايىندالدى.