الماتىدان الاكولگە باراتىن جولداعى – تالدىقورعان – قالباتاۋ – وسكەمەن ۋچاسكەسى تولىق رەكونسترۋكتسيادان وتكەننەن كەيىن ءىشىنارا اقىلى بولۋى مۇمكىن, دەپ حابارلايدى Egemen.kz "قازاۆتوجول" ءباسپاسوز قىزمەتىنە سىلتەمە جاساپ.
جەتىسۋ وبلىسىنداعى ءۇشارال-دوستىق ۋچاسكەسىن اقىلى ەتۋ جوسپارلانۋدا. ءتيىستى شەشىمدى قازاقستان رەسپۋبليكاسىنىڭ كولىك مينيسترلىگى قابىلدايدى. ونىڭ قۇنى بارلىق اقىلى جولدارعا ارنالعان ەسەپتىك كورسەتكىشتەرگە سايكەس جىل سايىن وزگەرىپ وتىرادى. بۇگىنگى تاڭدا بۇل كورسەتكىش ءبىر شاقىرىمعا ءبىر تەڭگەنى قۇرايدى.
كومپانيانىڭ ءباسپاسوز قىزمەتى اتاپ وتكەندەي, رەسپۋبليكالىق تراسسانىڭ بۇل ۋچاسكەسى تەك جۇك كولىگى ءۇشىن عانا اقىلى بولادى. ال جەڭىل اۆتوكولىكتەر تەگىن جۇرە بەرەدى.
كەلىسىمشارتقا سايكەس جوبانىڭ اياقتالۋ مەرزىمى – 2024 جىلعى جەلتوقسان. قازىرگى ۋاقىتتا جول توسەمىنىڭ رەكونسترۋكتسياسى اياقتالدى. مەردىگەر بولىپ تابىلاتىن حالىقارالىق قىتايلىق كومپانيالاردىڭ بىرىنە اۋا-رايىنا بايلانىستى ەمەس جۇمىستاردى ورىنداۋ عانا قالدى: قورشاۋ, جارىقتاندىرۋ تىرەكتەرىن ورناتۋ, قالپىنا كەلتىرۋ, شۋلى جولاقتار سالۋ جانە ت.ب.
"قازاۆتوجولدىڭ" جەتىسۋ فيليالى ديرەكتورىنىڭ ورىنباسارى جاسۇلان قالتاەۆتىڭ ايتۋىنشا, كولىك مينيسترلىگى جول ۋچاسكەلەرىنىڭ ءبىرى اقىلى بولاتىنى تۋرالى قۇجاتقا نىساندى قابىلداعاننان كەيىن – ياعني, 2025 جىلى قول قوياتىن بولادى.