گازەتىمىزدىڭ كەشەگى نومىرىندە اتىراۋ قالاسىنا تاياۋ ورنالاسقان «جۇمىسكەر» ەلدى مەكەنىندەگى ي.تايمانوۆ اتىنداعى مەكتەپ وقۋشىلارىنىڭ ۋلانعانى تۋرالى حابارلاعان ەدىك. وسىناۋ وقىس وقيعانىڭ تۋىنداۋىنا نە سەبەپ بولدى؟
«وقۋشىلاردىڭ ءبىرى ءبىرىنشى قاباتتاعى كيىم ىلەتىن بولمەگە گاز باللونىن بۇركىگەن. سونىڭ سالدارىنان جوعارى سىنىپتاردىڭ 21 وقۋشىسى مەن ءبىر قىزمەتكەرى اەروزولدىق گازعا ۋلانۋ بەلگىسىمەن اۋرۋحاناعا جەتكىزىلدى. زارداپ شەككەندەرگە دەر كەزىندە كومەك كورسەتىلدى. جانساقتاۋ بولىمىنە بىردە-ءبىر وقۋشى, بىردە ءبىر قىزمەتكەر تۇسكەن جوق. 22 قاڭتار كۇنى 18:00 ساعاتتا 18 وقۋشى اۋرۋحانادان شىعارىلدى. ءۇش وقۋشى ءارتۇرلى شاعىممەن دارىگەرلەردىڭ قاراۋىندا قالدىرىلدى», دەپ حابارلادى وبلىس اكىمدىگىنىڭ ءباسپاسوز قىزمەتى.
ال اتىراۋ قالالىق ءبىلىم ءبولىمىنىڭ باسشىسى نۇرساۋلە سايلاۋوۆانىڭ ايتۋىنشا, الدىن الا مالىمەتتەر بويىنشا, وقۋشىلاردىڭ ءبىرى اۋەستىكپەن گاز باللونىن بۇرىككەنىن موينىنا الىپتى.
«ەگەمەن-اقپارات».