مەملەكەت باسشىسىنىڭ تاپسىرماسىنا سايكەس مادەنيەت جانە اقپارات مينيسترلىگى ادەبي سالانى دامىتۋعا جانە جاس اۆتورلاردى قولداۋعا باعىتتالعان بىرقاتار جوبانى جۇزەگە اسىرىپ جاتىر. سونىڭ ءبىرى – الماتى وبلىسىنان باستاۋ العان جاس اقىن-جازۋشىلارعا ارنالعان ادەبي تۋر.
مينيسترلىك جانىنان قۇرىلعان «Alqa» جاستار كلۋبىنىڭ مۇشەلەرى بەردىبەك سوقپاقباەۆتىڭ 100 جىلدىعىنا وراي جازۋشىنىڭ اۋىلى قوستوبەگە بارىپ, قالامگەر وقىعان تاريحي مەكتەپپەن تانىستى.
سونىمەن قاتار مۇزبالاق اقىن مۇقاعالي ماقاتاەۆتىڭ تۋعان جەرى قاراسازعا تابان تىرەپ, اقىننىڭ ومىرىنەن سىر شەرتەتىن ادەبي-مەموريالدى مۋزەيگە باردى.
مۇراجايدىڭ ءۇش ەكسپوزيتسيالىق زالىندا اقىننىڭ 1200-دەن اسا ەكسپوناتى, جۇمىس ۇستەلى مەن قولدانعان زاتتارى جانە قولجازبالارى قويىلعان. ساپار بارىسىندا جاس اقىندار جىر وقىپ, ادەبي كەش وتكىزدى.
ادەبي ءىس-شارا اياسىندا قاتىسۋشىلار رايىمبەك باتىر ەسكەرتكىشىنە تاعزىم ەتىپ, كولساي, شارىن شاتقالىندا دا بولدى.
ادەبي تۋر ءىلياس جانسۇگىروۆتىڭ 130 جىلدىعىنا وراي جەتىسۋ وبلىسىندا جالعاسادى.