كوكشەتاۋ قالاسىنىڭ اكىمى باۋىرجان عايسا قىزمەتىنەن كەتتى. بۇل تۋرالى ول الەۋمەتتىك جەلىدەگى پاراقشاسىندا مالىمدەدى, دەپ حابارلايدى Egemen.kz.
«مەن كوكشەتاۋ قالاسىنىڭ اكىمى قىزمەتىنەن كەتتىم. ءبىز قالالىق ينفراقۇرىلىمدى جاقسارتۋعا جانە ازاماتتارىمىزدىڭ ءومىر ءسۇرۋ ساپاسىن ارتتىرۋعا باعىتتالعان بىرقاتار باستامانى ىسكە اسىرا الدىق دەپ ويلايمىن. 2021 جىلدان باستاپ قازىرگى ۋاقىتقا دەيىن 144 كتۇ تاپسىرىلدى, 170 كم استام جول جوندەلدى, 39 بالالار مەن 47 سپورت الاڭدارى سالىندى. بيىل حالىق قاتىساتىن بيۋدجەت جوباسىن ىسكە اسىرۋ اياسىندا 19 الاڭنىڭ قۇرىلىسى جۇرگىزىلىپ جاتىر.
وسىنداي قيىن, بىراق قىزىقتى جولدا مەنىمەن بىرگە بولعانداردىڭ بارلىعىنا العىس ايتقىم كەلەدى», دەدى ەكس-اكىم.
ايتا كەتەيىك, باۋىرجان عايسا 2021 جىلدىڭ 25 ناۋرىزىنان باستاپ وسى قىزمەتتە بولعان ەدى.