وسكەمەن. 23 قاڭتار. جاڭا جىلدان باستاپ كۇشىنە ەنگەن جاڭا اكىمشىلىك كودەكستەگى وزگەرىستەرگە قاراي, كوشە ساۋداسى ءۇشىن سالىناتىن ايىپپۇل كولەمى ءوستى. بۇل تۋرالى egemen.kz ءتىلشىسى حابارلادى.
«كودەكستەگى 204-باپقا سايكەس, بەلگىلەنبەگەن جەردە ساۋدا جاساعانى ءۇشىن ازاماتتارعا 5 اەك, ياعني 9 910 تەڭگە ايىپپۇل سالىنادى. قايتارا زاڭ بۇزعانى ءۇشىن ايىپپۇل كولەمى 10 اەك-كە دەيىن وسەدى, – دەيدى بۇل جونىندە وسكەمەن قالالىق تابيعات قورعاۋ پوليتسياسىنىڭ باستىعى, پوليتسيا مايورى دارحان ايتقازين. – ەگەر ايىپپۇل 7 كۇن ىشىندە تولەنسە, ونىڭ 50 پايىزىن عانا تولەۋگە بولادى».
قازىرگى كەزدە قالا اكىمدىگى, قوعام وكىلدەرى جانە پوليتسيا قىزمەتكەرلەرىنەن تۇراتىن ارنايى توپ كوشە ساۋداسى قالىپتاسقان ورىنداردى كۇندەلىكتى تەكسەرۋدە. ولار زاڭسىز ساۋدا ورىندارىندا تۇسىندىرمە جۇمىستارىن جۇرگىزىپ, كەلىسپەگەندەرگە ايىپپۇل دا سالۋدا. جىل باسىنان بەرى جۇرگىزىلگەن رەيدتەر بارىسىندا 20 حاتتاما تولتىرىلىپتى. ايىپپۇل تولەنبەسە, ازاماتتاردىڭ ءىسى سوت ورىنداۋشىلارىنا بەرىلەدى. ساۋداگەرلەردىڭ كوپشىلىگى اتالعان توپتاردى كورگەندە, تۇرعان ورنىنان جىلىستاي جونەلەدى. تاپجىلمايتىندار دا بار. ولاردىڭ ءۋاجى – بازاردان ورىن بەرىلمەيدى, بالالاردى اسىراۋ كەرەك.
«بازاردا ورىن بەرىلمەيدى دەگەن بەكەر ءسوز. ءبىز بازار باسشىسىمەن سويلەستىك. ولارعا جۇرت ءجيى جۇرەتىن وسىنداي جەردە ساۋدا جاساعان ىڭعايلى», – دەيدى قالالىق اكىمدىكتىڭ ءىس باسقارۋ №7 فيليالىنىڭ ديرەكتورى تاتيانا فيلونوۆا.
بۇگىندە وسكەمەندىكتەر اراسىندا كوشە ساۋداگەرلەرىنەن تاۋار الماۋ, ولاردىڭ ءىسىن جىلجىتۋعا ۇيىتقى بولماۋ جونىندە, كوشە ساۋداگەرلەرىنىڭ ءوز تاۋارى ءۇشىن جاۋاپكەرشىلىك ارقالامايتىنى تۋرالى ۇگىت-ناسيحات جۇمىستارى جۇرگىزىلۋدە.
دۋمان اناش.
دەرەك: egemen.kz.
سۋرەت: وسكەمەن قالاسى اكىمىنىڭ ءباسپاسوز قىزمەتى.