ەندى اتا-انالار مەن زاڭدى وكىلدەر eGov.kz پورتالى ارقىلى بالانى ءبىر مەكتەپتەن ەكىنشىسىنە ونلاين اۋىستىرا الادى, دەپ حابارلايدى Egemen.kz «ۇلتتىق اقپاراتتىق تەحنولوگيالار» اق ءباسپاسوز قىزمەتىنە سىلتەمە جاساپ.
جالپى ءبىلىم بەرەتىن ۇيىمدى ىزدەۋ جانە تاڭداۋ پروتسەسى اتا-انانىڭ تىركەلگەن جەرى بويىنشا ميكرواۋماققا وڭتايلاندىرىلعان.
«اتا-انالار تەك شاعىن اۋدانداعى مەكتەپتى عانا ەمەس, ونىڭ شەگىنەن تىس كەز كەلگەن باسقا ءبىلىم بەرۋ ۇيىمىن (ەگەر ولاردىڭ قالاۋلارىنا سايكەس كەلسە) تاڭداي الادى. قاجەت بولعان جاعدايدا ءوتىنىش بەرۋشى بەرىلگەن ءوتىنىشتى كەرى قايتارىپ الا الادى», دەپ حابارلادى ۇلتتىق اقپاراتتىق تەحنولوگيالار ورتالىعى.
ءبىلىم بەرۋ ۇيىمىن تاڭداۋ ءۇشىن:
- eGov.kz پورتالىنا كىرىپ, ء«بىلىم» بولىمىنە ءوتىڭىز;
- تىزىمنەن «ورتا ءبىلىم» ءبولىمىن تاڭداڭىز, «بالالاردى مەكتەپتەن مەكتەپكە اۋىستىرۋ ءۇشىن قۇجاتتاردى قابىلداۋ» قىزمەتىن تاڭداڭىز;
- قاجەتتى جولداردى تولتىرۋ جانە ەلەكتروندىق قولتاڭبانى پايدالانىپ وتىنىشكە قول قويۋ;
قىزمەت ناتيجەلەرىن جەكە كابينەتتە كورە الاسىز.