سپورتپەن اينالىسقان جانعا, ونىڭ بەرەر پايداسى مەن جەمىسى بولارى انىق. وسى ورايدا مەن بۇل ءسوزىمنىڭ شىندىققا جاقىن ەكەنىن سپورتتىڭ ءتۇرلى سالاسىندا ءوزىن سىناپ, الەمدىك دەڭگەيدە ەسىمىن تانىتا بىلگەن جان تۋرالى ايتا وتىرىپ دالەلدەمەكپىن.
سولتۇستىك قازاقستان وبلىسىندا 1958 جىلى تۋعان نۇرالى ق ۇلىشەۆ ءومىر ەسىگىن كوكسارتروز دەگەن اۋرۋمەن اشتى. بۇل دەرت جامباس سۇيەگىنىڭ زاقىمدانۋى سەبەبىنەن بولعاندىقتان, ول بالالىق شاعىندا ەكى جىل اۋرۋحانادا ەمدەلىپ, وتا جاساتقان. الايدا, ول ءىى توپتاعى مۇگەدەك بولىپ قالادى. سودان كەيىن, 1991 جىلى ماسكەۋ شاھارىندا كەيىپكەرىمىزدىڭ سول اياعىنا وتا جاساپ, «سيۆاشوۆا» اپپاراتىن سالدىرتادى. ال ارادا 21 جىل وتكەن سوڭ نۇرالى اعا رەسەيدىڭ قورعان قالاسىنا بارىپ, جامباس جىلىگىنە امەريكاندىق ەندو پروتەز سالدىرادى. ول 1980-1991 جىلدار ارالىعىندا اقتاۋ قالاسىنداعى اتوم-ەلەكتر ستانساسىندا جۇمىس ىستەدى, كەيىننەن دەنساۋلىعىنا بايلانىستى زەينەتكەرلىككە شىقتى.
ەندى كەيىپكەرىمىزدىڭ جەتكەن جەتىستىكتەرىنە توقتالايىق.
نۇرالى ق ۇلىشەۆ 1992 جىلى «مۇگەدەكتەردىڭ دەنە شىنىقتىرۋ جانە سپورت» فەدەراتسياسىن اشتى. 2005 جىلدان بەرى «مۇگەدەكتىك سپورت كلۋبىنىڭ» ديرەكتورى قىزمەتىن اتقارىپ كەلەدى. قازاقستان رەسپۋبليكاسى ۇلتتىق پاراليمپيالىق كوميتەتى پرەزيدەنتىنىڭ ورىنباسارى ( 2003-2013 ج). سونداي-اق, ول ۆولەيبول مەن جاعاجاي ۆولەيبولىنان قازاقستان قۇراما كومانداسىنىڭ اعا اعا جاتتىقتىرۋشىسى بولدى. وتىرىپ وينايتىن ۆولەيبولدان حالىقارالىق دارەجەدەگى سپورت شەبەرى, سۋعا جۇزۋدەن جانە جەڭىل اتلەتيكادان سپورت شەبەرى اتاعىن يەلەنگەن.
2011 جىلعى VII قىسقى ازيا ويىندارىنداعى «الاۋ ەستافەتاسىنا» قاتىسقان نۇرالى ق ۇلىشەۆتىڭ ءجڭىپ العان جۇلدەلەرى دە از ەمەس. ماسەلەن, ول ازيا ويىندارىنىڭ ەكى دۇركىن چەمپيونى جانە كۇمىس جۇلدەگەرى (قىتاي-1994ج., تايلاند-1999ج., وڭتۇستىك كورەيا-2002ج.). بۇدان بولەك, قازاقستان چەمپيوناتىنىڭ وتىرىپ وينايتىن ۆولەيبولدان 11 دۇركىن چەمپيونى جانە ەكى دۇركىن قازاقستان كۋبوگىنىڭ يەگەرى. سونداي-اق, جەڭىل اتلەتيكادان ەلىمىزدىڭ بىرنەشە جانە تمد ەلدەرى بويىنشا ەكى دۇركىن جەڭىمپازى.
پاراليمپيالىق ويىندارعا ەكى رەت قاتىسقان (اتلانتا /اقش/-1996ج., سيدنەي /اۆستراليا/-2000ج.) ن.ق ۇلىشەۆ 2001 جىلى استانا قالاسىندا وتكەن ءى پاراليمپيالىق ويىنداردىڭ اشىلۋ سالتاناتىندا تۋ كوتەرۋ سەنىمىنە يە بولدى.
كوپتەگەن حالىقارالىق تۋرنيرلەردىڭ (پولشا, ۇلىبريتانيا, دانيا. فينليانديا, تۇركيا, رەسەي, لاتۆيا, تۇرىكمەنستان) جەڭىمپازى جانە جۇلدەگەرى اتانعان ءبىزدىڭ كەيىپكەرىمىز ءوز ىسىنە لايىقتى قۇرمەتتەلىپ جۇرگەنىن دە ايتا كەتەيىك.
ول مۇمكىندىگى شەكتەۋلى جاندار اراسىندا سپورتتى دامىتۋداعى ەڭبەگى ءۇشىن «قازاقستان رەسپۋبليكاسىنىڭ تاۋەلسىزدىگىنە 10 جىل» جانە «ماڭعىستاۋ وبلىسىنا 35 جانە 40 جىل» مەرەيتوي مەدالدارىمەن ماراپاتتالدى. جوعارى سپورتتىق كورسەتكىشتەرى ءۇشىن بىرنەشە رەت «جىل سپورتشىسى», «جىل جاتتىقتىرۋشىسى» نوميناتسياسىنىڭ يەگەرى بولدى. بۇعان قوسا, «قازاقستان رەسپۋبليكاسى دەنە شىنىقتىرۋ جانە سپورت قۇرمەتتى قىزمەتكەرى» بەلگىسىنىڭ يەگەرى.
ن.ق ۇلىشەۆ بىرنەشە رەت ۇلتتىق پاراليمپيالىق كوميتەتتىڭ, قالا جانە وبلىس اكىمدەرىنىڭ تاراپىنان ماراپاتتالدى. ايتا كەتەيىك, وتكەن جىلى ەلباسىمىزدىڭ قولداۋىمەن تۇڭعىش رەت وتكىزىلگەن «مەرەيلى وتباسى» رەسپۋبليكالىق ۇلتتىق بايقاۋىنا نۇرالى ق ۇلىشەۆتىڭ وتباسى قاتىسىپ, ماڭعىستاۋ وبلىسى بويىنشا ءبىرىنشى ورىن الدى. ول سول جولى پرەزيدەنتتىڭ قولىنان «نيۆا» تەمىرتۇلپارىنىڭ كىلتىن الىپ, مەرەيى ءبىر شارىقتاپ قالعان.
كەيىپكەرىمىزدىڭ بولاشاقتاعى باستى قالاۋى – ءوزى تۇرىپ جاتقان وبلىسى بويىنشا ارنايى مۇمكىندىگى شەكتەۋلى جاندارعا ارنالعان سپورت عيماراتىن تۇرعىزۋ جانە ءوزى جاتتىقتىرىپ جۇرگەن شاكىرتتەرىنىڭ پاراليمپيادالىق جارىستاردا تابىستى ونەر كورسەتۋىنە جاعداي جاساۋ.
نۇركەن بەكتاسوۆ.
شاكارىم اتىنداعى سمۋ-ءدىڭ ستۋدەنتى.
سەمەي ق.