وسكەمەننىڭ شەت جاق اۋماعىنان ايەلدىڭ ءمايىتى تابىلدى, دەپ حابارلايدى Egemen.kz.
انىقتالعانداي, جابىرلەنۋشىنىڭ دەنەسىنەن ءتۇرلى دەنە جاراقاتتارى تابىلعان.
«وسكەمەندەگى باۋ-باقشا سەرىكتەستىكتەرىنىڭ ءبىرىنىڭ شەتىندە كوزگە كورىنەتىن دەنە جاراقاتتارىمەن شامامەن 45-50 جاس شاماسىنداعى بەلگىسىز ايەلدىڭ ءمايىتى تابىلدى. كىسى ءولتىرۋ دەرەگى بويىنشا قىلمىستىق ءىس قوزعالىپ, ساراپتاما تاعايىندالدى. تەرگەۋ امالدارى جۇرگىزىلىپ جاتىر», دەپ حابارلادى شقو پد ءباسپاسوز قىزمەتى.
پوليتسيا وقيعانىڭ ەگجەي-تەگجەيىن اشىپ, تەرگەۋ ءالى جالعاسىپ جاتقانىن العا تارتتى. بەلگىلى بولعانداي, ءمايىت «التاي باعبانى» باعباندىق قوعامىنان, اۆتوتۇراقتىڭ جانىنان تابىلعان.
«كىسى ولتىرگەن كۇدىكتى ءالى ۇستالعان جوق», دەپ ناقتىلادى وبلىستىق پوليتسيا.