استانا. 23 قاڭتار. يراك اراب رەسپۋبليكاسىنىڭ پرەمەر-ءمينيسترى حايدەر ال-ابادي مۇنايدىڭ الەمدىك باعاسى تۇسۋىنەن كەيىن ءوز ەلىنىڭ ەكونوميكاسى «اپاتتى» جاعدايدا قالىپ قويعانىن ايتتى. بۇل تۋرالى ريا «نوۆوستي» حابارلادى.
ول سونداي-اق مۇناي باعاسىنا بايلانىستى قالىپتاستىپ وتىرعان احۋالدىڭ «يسلام مەملەكەتى» ەكسترەميستىك توبىرىنا قارسى كۇرەسكە كەرى اسەر ەتۋى مۇمكىن ەكەنىن ەسكە الدى.
«مۇنايدىڭ باعاسى وتكەن جىلدىڭ وسى مەرزىمىنە قاراعاندا, شامامەن 40 پايىزعا ءتۇسىپ كەتتى. يراك ەكونوميكاسى مەن بيۋدجەتىنىڭ 85 پايىزىن مۇناي قۇرايدى. سوندىقتان مىناداي جاعداي ءبىز ءۇشىن ناعىز اپاتتى اكەلىپ وتىر», - دەدى ال-ابادي لوندوندا وتكەن «يسلام مەملەكەتىمەن» كۇرەس كواليتسياسى مۇشەلەرىنىڭ كەزدەسۋىنەن كەيىن.
«ءبىز سالىق جانە بيۋدجەت پروبلەمالارىنىڭ قارۋلى كۇشتەرگە اسەر ەتپەۋىن قالايمىز», - دەگەندى قوستى ول.
وتكەن جىلعى جازدان باستاپ مۇنايدىڭ باعاسى 50 پايىزدان دا ارى تومەن ءتۇسىپ كەتتى. وپەك ەلدەرىنىڭ 27 قاراشاداعى تاۋلىگىنە 30 ملن. باررەل مۇناي ءوندىرۋ دەڭگەيىن ۇستاپ تۇرۋ تۋرالى شەشىمى باعانىڭ بەتىمەن كەتۋىنە اپارىپ سوقتىردى. الايدا, مۇناي باعاسىنىڭ باررەلىنە 50 دوللاردان دا ءتۇسىپ كەتكەنىنە قاراماستان, وپەك-ءتىڭ كوپتەگەن ەلدەرى مۇناي ءوندىرۋ كولەمىن قىسقارتۋدان باس تارتىپ كەلەدى.
مۇرات ايتقوجا.
دەرەك, سۋرەت: ريا «نوۆوستي».