مادەنيەت جانە اقپارات ءمينيسترى ايدا بالاەۆا ءاليا مولداعۇلوۆا تۋرالى كوركەم ءفيلمنىڭ ءتۇسىرىلىمى نەگە توقتاتىلعانىن ايتتى, دەپ جازادى Egemen.kz.
ايدا بالاەۆا ء«اليا» ءفيلمى نەگىزگى جوبالاردىڭ ءبىرى بولىپ قالا بەرەتىنىن ايتتى. ءفيلمنىڭ بيۋدجەتى 900 ميلليون تەڭگەدەن اسادى.
«ماۋسىم ايىندا فيلم ءتۇسىرۋدى جوسپارلاپ وتىرعان كوماندا ۇلتتىق كينونى قولداۋ مەملەكەتتىك ورتالىعى ۇيىمداستىرعان پيتچينگكە قاتىستى (ينۆەستورلاردى تابۋعا ارنالعان كينوجوبانىڭ تۇساۋكەسەرى). ۆەدومستۆوارالىق كوميسسياعا قارجىلاندىرۋعا 18 جوبا ۇسىنىلدى, ونىڭ ىشىندە ء«اليا» فيلمى دە بار. ءاليا مولداعۇلوۆانى ەسكە الۋ تۋرالى فيلمنىڭ كورەرمەن ۇشىن ماڭىزدىلىعىن ەسكەرە وتىرىپ, كينوكومپانيا مەملەكەتتىك قاراجاتتى ۇتىمسىز پايدالانباۋ ءۇشىن كونكۋرسقا قاتىسۋدى ۋاقىتشا توقتاتا تۇرۋعا شەشىم قابىلدادى», دەپ جازدى مينيستر Facebook پاراقشاسىندا.
ونىڭ ايتۋىنشا, بۇل شەشىم جوبانى ىسكە اسىرۋدى كەيىنگە قالدىرۋدىڭ جوعارى قاۋپىمەن بايلانىستى. ويتكەنى ءتۇسىرىلىمنىڭ نەگىزگى بولىگى, اتاپ ايتقاندا, اسكەري قيمىلدار ساحناسى بەلارۋس اۋماعىندا جوسپارلانعان. بىراق كورشى ەل باسقا جوبالاردىڭ جۇمىسى كوپ بولعاندىقتان, قاجەتتى الاڭداردى ءالى بەرە الماي وتىر. سوندىقتان جوبا اۆتورلارى شىعىس قازاقستان وبلىسىنداعى ءوز الاڭدارىن قايتا قۇرۋدى ۇيعاردى.
«جوبانى قارجىلاندىرۋدا قيىندىقتار جوق, ءبىز ءتۇسىرىلىمدى ۋاقىتىندا اياقتاپ, ۇلكەن ەكرانداردا كورسەتۋگە بار كۇشىمىزدى سالامىز», دەدى ا.بالاەۆا.