حالىقارالىق بوكس قاۋىمداستىعى (IBA) قازاقستاندا ەرلەر اراسىندا الەم چەمپيوناتى وتەتىنىن مالىمدەدى, دەپ حابارلايدى Egemen.kz.
تۋرنير 2025 جىلدىڭ مامىر ايىندا استانادا وتەدى. باستاپقىدا قازاقستان بوكس فەدەراتسياسى ايەلدەر اراسىنداعى الەم چەمپيوناتىن وتكىزۋگە ۇمىتكەر بولدى, الايدا كەيىن ەرلەر اراسىنداعى جارىستى وتكىزۋگە ءوتىنىم بەردى. ال IBA بۇل ۇسىنىستى قابىل الدى. ايەلدەر اراسىنداعى الەم چەمپيوناتى كەلەسى جىلى بەلگرادتا (سەربيا) وتەدى.
«قابىلداۋشى ەلد بۇكىل الەمدە بوكستى دامىتۋعا دەگەن ۇمتىلىسىمىزدى كورسەتەدى. ەكى ەلدە دە بوكستىڭ باي ءداستۇرى بار جانە الەمدىك دەڭگەيدەگى جارىستارعا, سونداي-اق سپورتتىق كورسەتكىشتەرگە جاقسى دايىندالعان. ءبىز وسى بەدەلدى IBA تۋرنيرلەرىندە الەمنىڭ تۇكپىر-تۇكپىرىنەن جينالعان ەڭ ۇزدىك سپورتشىلاردى كورەمىز دەگەن ۇمىتتەمىز», – دەدى IBA پرەزيدەنتى ۋمار كرەملەۆ.