استانا. 23 قاڭتار. رەسەي فەدەراتسياسى مەن كحدر وكىلدەرى الداعى اپتادى ىسكەرلىك كەڭەسىن قۇرادى. بۇل تۋرالى رف شىعىستى دامىتۋ مينيسترلىگىنىڭ سايتىنا سۇيەنگەن «ارگۋمەنتى ي فاكتى» حابارلادى.
قيىر شىعىستى دامىتۋ جونىندەگى مينيستر الەكساندر گالۋشكا وسىنىڭ الدىندا رەسەي كومپانيالارىنىڭ كحدر جەرىندەگى جوبالارىن جۇزەگە اسىرۋلارىنا ارنالعان كەڭەس وتكىزدى. جيىنعا رەسەي سىرتقى ىستەر مينيسترلىگى مەن ەكونوميكالىق دامۋ مينيسترلىگىنىڭ وكىلدەرى, سونداي-اق سولتۇستىك كورەيادا جۇمىس جۇرگىزۋ جوسپارلارى بار كومپانيالار باسشىلارى قاتىستى.
«ءبىز 2014 جىلى وسىعان بايلانىستى وتە قاۋىرت جۇمىستار جاسادىق. ول ءىس جۇزىندە دايىندىق كەزەڭى بولدى. ءبىز ءۇشىن ەندى دايىندىق كەزەڭىنەن بۇرىن قول جەتكەن كەلىسىمدەرگە ساي ناقتىلى ىستەرگە كوشۋىمىز كەرەك», - دەپ اتاپ ءوتتى مينيستر.
گالۋشكا سونداي-اق بيزنەسمەندەرگە رەسەي فەدەراتسياسىنىڭ كحدر-داعى ەلشىسى الەكساندر ماتسەگورانى تانىستىردى. «كحدر-داعى ءاربىر جوبا كۇن سايىن باقىلاۋدا بولادى. ەلشىلىك تاراپىنان تالاپ ەتىلەتىن كەز كەلگەن كومەك كورسەتىلەتىن بولادى», - دەپ سەندىردى ەلشى.
مۇرات ايتقوجا.
دەرەك, سۋرەت: ارگۋمەنتى ي فاكتى.