استانادا قىزدى ورتتەن امان الىپ قالعان ەر ادام ماراپاتتالدى, دەپ حابارلايدى Egemen.kz.
ەسكە سالا كەتەيىك, وسىدان بىرنەشە كۇن بۇرىن استاناداعى سىعاناق كوشەسىندەگى 12 قاباتتى تۇرعىن ءۇي كەشەنىندە جوعارعى قاباتتارداعى پاتەرلەردىڭ بىرىندە ءورت شىققان بولاتىن. ءورت شىققانىن بايقاعان التىنبەك التاەۆ ويلانباستان بالكوننان جانىپ جاتقان تەرەزەگە سەكىرىپ, بالانى امان الىپ قالعان.
ەرلىك كورسەتكەن التىنبەك التاەۆتى استانا قالاسىنىڭ اكىمى جەڭىس قاسىمبەك ماراپاتتادى.
«التىنبەك التاەۆپەن جانە ونىڭ ۇلىمەن كەزدەستىم. ەر ادام تۇرعىن ءۇي كەشەنىنىڭ جوعارعى قاباتىندا بولعان ورتتەن قىز بالانى قۇتقارىپ قالدى. التىنبەكتىڭ ايتۋىنشا, قىزىل جالىنعا ورانعان پاتەردى كورگەننەن كەيىن بالكوننان ورتەنىپ جاتقان تەرەزەگە ەش ويلانباستان سەكىرىپ كىرگەن. ونىڭ وسىنداي جاۋاپتى ساتتە ۇرەيگە بوي الدىرماي, قاۋىپكە بەل بۋعانى تاڭعالدىرادى ءارى بۇل ارەكەتى قۇرمەتكە لايىق! تۇرعىندارىمىزدىڭ قىسىلتاياڭ ساتتە شەت قالماي, كومەككە ۇمتىلاتىنىن ماقتان تۇتامىز!», دەپ جازدى جەڭىس قاسىمبەك الەۋمەتتىك جەلىدەگى پاراقشاسىندا.