ەسكە سالا كەتەيىك, سوت ۇكىمىمەن ق.ساتىبالدى قر قك-ءنىڭ 28-بابى 3-بولىگىمەن, 189-باپتىڭ 4-بولىگى 2) تارماعى (سەنىپ تاپسىرىلعاننىڭ مۇلكىن جىمقىرۋ), 28-باپتىڭ 3-بولىگى, 195-باپتىڭ 2-تارماعى (ۇرلىق جاساۋ ماقساتىنسىز زالال كەلتىرۋ) بويىنشا مۇلكى تاركىلەنىپ, مەملەكەتتىك قىزمەت اتقارۋ قۇقىعىنان 10 جىلعا دەيىنگى مەرزىمگە ايىرا وتىرىپ, 6 جىلعا باس بوستاندىعىنان ايىرۋ جازاسىنا سوتتالعان.
سوتتالعان ءوزىنىڭ ءوتىنىشحاتىندا جازاسىنىڭ وتەلمەگەن بولىگىن نەعۇرلىم جەڭىل تۇرىنە اۋىستىرۋ تۋرالى ءوتىنىشحاتىن بەرۋ ءۇشىن زاڭنىڭ بارلىق تالاپتارىن ورىنداعانىن اتاپ كورسەتكەن.
پروتسەسكە قاتىسۋشىلار سوتتالعاننىڭ ءوتىنىشحاتىن قولداپ, ونى قاناعاتتاندىرۋدى سۇراعان. نەگىز رەتىندە ءوزىنىڭ وڭ مىنەزدەمەسىن, ۇكىم بويىنشا زالالدىڭ ورنىن تولتىرعانىن, سونداي-اق جالپى سوماسى 700 ملرد تەڭگەدەن استام م ۇلىكتى جانە وزگە دە قاراجاتتى ءوز ەركىمەن مەملەكەتكە قايتارعانىن اتاپ وتكەن.
سونىمەن قاتار تۇزەۋ مەكەمەسىنىڭ وكىلى سوتتالۋشىنىڭ ءوتىنىشحاتىن قولداعان. سونداي-اق پروكۋرور ساتىبالدىنىڭ ءوتىنىشحاتىن قاناعاتتاندىرۋدى سۇراپ, ونىڭ جازانى اۋىستىرۋ ءۇشىن بارلىق شارتتاردى ورىنداعانىن, سونداي-اق مەملەكەتكە ءوز ەركىمەن وزگە دە م ۇلىكتى قايتارىلعانىمەن نەگىزدەگەن.
قك-ءنىڭ 73-بابى اۋىرلىعى ورتاشا قىلمىستار نەمەسە اۋىر قىلمىستار ءۇشىن سوتتالعان ادامدى جازانىڭ وتەلمەگەن بولىگىنىڭ قالعان بولىگىن مىناداي جاعدايلاردا نەعۇرلىم جەڭىل جازا تۇرىمەن الماستىرۋ مۇمكىندىگىن كوزدەيدى:
- جازا مەرزىمىنىڭ كەمىندە 1/3 بولىگىن وتەگەننەن كەيىن;
- كەلتىرىلگەن زالال تولىق وتەلگەن جاعدايدا;
- نە جازانى وتەۋ ءتارتىبىن قاساقانا بۇزۋشىلىقتاردىڭ بولماۋى.
ايتا كەتەيىك, قايرات ساتىبالدى ورتاشا اۋىر قىلمىس جانە اۋىر قىلمىس جاساعان. ول جازانىڭ 1/3 بولىگىنەن استامىن وتەگەن. تۇزەۋ مەكەمەسىنىڭ اكىمشىلىگى سوتتالعاندى وڭ سيپاتتاپ, تاربيە ءىس-شارالارىنا بەلسەندى قاتىسقانى ءۇشىن كوتەرمەلەگەنىن كورسەتكەن. سونىمەن قاتار قىلمىسپەن كەلتىرىلگەن زالال تولىعىمەن وتەلگەن. سوت ۇكىمىمەن ءوندىرىپ الىنعان سومالار ء(ىس جۇرگىزۋ شىعىندارى, ءماجبۇرلى تولەم) تولەنگەن.
سوت جوعارىدا ايتىلعانداردىڭ نەگىزىندە سوتتالۋشىنىڭ ءوتىنىشحاتىن قاناعاتتاندىردى جانە باس بوستاندىعىنان ايىرۋ تۇرىندەگى جازانىڭ وتەلمەگەن بولىگىن 3 جىل 3 اي 7 كۇن مەرزىمگە باس بوستاندىعىن شەكتەۋگە اۋىستىرعان.
سوت شەشىمىمەن قايرات ساتىبالدىعا پروباتسيالىق باقىلاۋ بەلگىلەنگەن. تۇراقتى جۇمىسى بولماعان جاعدايدا سوتتالعان جازانى وتەۋدىڭ بارلىق مەرزىمى ىشىندە جىل سايىن 100 ساعاتتان ءماجبۇرلى ەڭبەككە تارتىلادى.
سوت قاۋلىسىمەن وعان مىناداي مىندەتتەر جۇكتەلگەن: سوتتىڭ قاۋلىسى تۇرعىلىقتى جەرى بويىنشا پروباتسيا قىزمەتىنە زاڭدى كۇشىنە ەنگەن كۇننەن باستاپ 10 كۇن ىشىندە ەسەپكە قويۋ ءۇشىن كەلۋ, سوتتالعان ادامنىڭ (پروباتسيا قىزمەتىنىڭ) مىنەز-قۇلقىن باقىلاۋدى جۇزەگە اسىراتىن ۋاكىلەتتى مەملەكەتتىك ورگاندى حاباردار ەتپەي تۇراقتى تۇرعىلىقتى جەرىن, جۇمىسىن, وقۋىن اۋىستىرماۋ, باسقا دا مىندەتتەردى ورىنداۋ سوتتالعاندى تۇزەۋگە جانە ونىڭ جاڭا قىلمىستىق قۇقىق بۇزۋشىلىقتار جاساۋىنىڭ الدىن الۋعا ىقپال ەتەدى.
مىندەتتەرىن ورىنداماعان جاعدايدا باس بوستاندىعىن شەكتەۋ, باس بوستاندىعىن شەكتەۋدىڭ ءبىر كۇنى ءۇشىن باس بوستاندىعىنان ايىرۋدىڭ ءبىر كۇنى ەسەبىنەن باس بوستاندىعىنان ايىرۋمەن اۋىستىرىلاتىنى تۇسىندىرىلگەن.
سوت قاۋلىسى زاڭدى كۇشىنە ەنگەن جوق جانە شاعىم جاسالۋى, پروكۋروردىڭ ءوتىنىشحاتى كەلتىرىلۋى مۇمكىن.