«اليۋميني قازاقستان» اق گيدرومەتاللۋرگيالىق تسەحىنداعى جۇمىس كەزىندە ەكى جۇمىسشىعا ءسىلتىلى ەرىتىندى توگىلگەن. ءبىرى رەانيماتسيادا جاتىر, دەپ حابارلايدى Egemen.kz.
«زارداپ شەككەن قىزمەتكەرلەر قالالىق اۋرۋحاناعا جەتكىزىلدى. ءبىرى جالپى پالاتادا ەمدەلىپ جاتىر. ەكىنشى قىزمەتكەر رەانيماتسيادا. ولارعا قاجەتتى بارلىق كومەك كورسەتىلەدى. كومپانيا قاجەتتى ءدارى-دارمەكتى ساتىپ الدى. رەانيماتسياداعى قىزمەتكەرگە كۇيىك شالعاندا قولدانىلاتىن ارنايى كەرەۋەت ساتىپ الىندى», دەلىنگەن زاۋىت حابارلاماسىندا.
قازىر تەرگەۋ ءجۇرىپ جاتىر. وبلىستىق دەنساۋلىق ساقتاۋ باسقارماسىندا زارداپ شەككەندەردى 2-3 دارەجەلى كۇيىك شالعانىن حابارلادى. رەانيماتسياداعى قىزمەتكەردىڭ دەنەسىنىڭ 65% كۇيىپ قالعان, ال ارىپتەسىنىڭ دەنەسىنىڭ 5% كۇيگەن.