الماتىدا قوعامدىق كولىك تاعى دا جول جيەگىندەگى ايالداماعا سوعىلدى, دەپ جازادى Egemen.kz.
قالالىق پوليتسيا №7 ترولەيبۋس سەيفۋللين كوشەسىنىڭ بويىنداعى ايالداماعا سوعىلعانىن مالىمدەدى.
جول-كولىك وقيعاسى المالى اۋدانىندا بولعان.
«تروللەيبۋس جۇرگىزۋشىسى سەيفۋللين داڭعىلىمەن وڭتۇستىك باعىتتا ءجۇرىپ كەلە جاتىپ, ماقاتاەۆ كوشەسىنە جەتپەي ايالداما كەشەنىنە سوعىلدى. اپات سالدارىنان ءبىر جاياۋ جۇرگىنشى دەنە جاراقاتىن الدى. وقيعانىڭ باسقا ءمان-جايلارىن المالى اۋداندىق پوليتسيا باسقارماسىنىڭ قىزمەتكەرلەرى انىقتايدى», دەلىنگەن قالالىق پد ءباسپاسوز قىزمەتى تاراتقان حابارلامادا.