بۇگىن ەلىمىزدىڭ 20 وڭىرىندە ءبىلىم بەرۋ قىزمەتكەرلەرىنىڭ تامىز كەڭەسىنىڭ وڭىرلىك سەكتسيالىق وتىرىستارى باستالدى. نەگىزگى رەسپۋبليكالىق ءىس-شارا 21 تامىزدا وتەدى, دەپ حابارلايدى Egemen.kz.
ۇستازداردىڭ تامىز كەڭەسى بيىل العاش رەت حالىقارالىق سامميت فورماتىندا وتەدى. بۇل جولعى جيىنعا ءبىلىم سالاسىنداعى حالىقارالىق ساراپشىلار قاتىسادى. وسى جىلى سامميت «Digital Kazakhstan: جاڭا زامانداعى ءبىلىم بەرۋ» تاقىرىبىنا ارنالعان.
«وڭىرلىك كونفەرەنتسيالاردا ءداستۇرلى پلەنارلىق وتىرىستار, ينتەراكتيۆتى پاراللەلدى سەسسيالارمەن قاتار, «تسيفرلىق ءبىلىم بەرۋدىڭ بولاشاعى» تاقىرىبىندا كورمەلەر ۇيىمداستىرىلادى جانە تسيفرلاندىرۋ سالاسىنداعى جەتەكشى ساراپشىلاردىڭ قاتىسۋىمەن شەبەرلىك ساباقتارى وتەدى», دەدى وقۋ-اعارتۋ مينيسترلىگى ورتا ءبىلىم بەرۋ كوميتەتىنىڭ توراعاسى قانىبەك جۇماشەۆ. پانەلدىك سەكتسيالار مەن پلەنارلى وتىرىستىڭ ماتەريالدارى بارلىعىنا قولجەتىمدى بولۋى ءۇشىن وبلىستىق باسقارمالاردىڭ سايتىندا جانە الەۋمەتتىك جەلىلەردە ورنالاستىرىلادى.
21 تامىزدا وتەتىن پەداگوگتەردىڭ رەسپۋبليكالىق تامىز ءسامميتىنىڭ پلەنارلىق وتىرىسىنا ءبىلىم سالاسىنداعى حالىقارالىق ساراپشىلار قاتىسادى دەپ جوسپارلانعان. وعان ونلاين رەجيمدە 500 مىڭنان استام پەداگوگتەر قاتىسۋعا مۇمكىندىك الادى.