سارىارقا اۋدانى پب قىزمەتكەرلەرى ۇرلىق جاسادى دەگەن كۇدىكپەن 25 جانە 26 جاستاعى ەكى ەر ادامدى انىقتادى, دەپ حابارلايدى Egemen.kz Polisia.kz-كە سىلتەمە جاساپ.
انىقتالعانداي, تەرگەۋ بارىسىندا ەكى ەر ادام سوقپاقباەۆ كوشەسىنەن ءوتىپ بارا جاتىپ, جولدىڭ بويىندا جۇكسالعىشى اشىق تۇرعان Mazda اۆتوكولىگىن بايقاعان. كولىكتىڭ جۇكسالعىشىنان قۇنى 210 مىڭ تەڭگە تۇراتىن جۇك كولىگىنىڭ دوڭگەلەگىن ۇرلاپ كەتكەن.
«ۇرلانعان زاتتى ساتىپ جىبەرگەن. قاسكۇنەمدەردىڭ ارەكەتى بەينەكامەراعا ءتۇسىپ قالعان. اتالعان فاكتى بويىنشا سوتقا دەيىنگى تەرگەۋ امالدارى جۇرگىزىلىپ جاتىر. ولاردىڭ قالا اۋماعىندا جاسالعان باسقا دا وسىعان ۇقساس قىلمىستارعا قاتىسى بار-جوعى تەكسەرىلەدى», دەلىنگەن حابارلامادا.
قالالىق پوليتسيا دەپارتامەنتى جۇرگىزۋشىلەرگە ءوز كولىكتەرىن اشىق قالدىرماۋ كەرەكتىگىن, سونداي-اق اۆتوكولىكتى دابىلدىق جۇيەمەن جانە بەينەباقىلاۋ كامەرالارى ورناتىلعان تۇراققا قويۋ كەرەك ەكەنىن ەسكە سالدى.