پەتروپاۆل. 22 قاڭتار. وبلىستىق تابيعي مونوپوليالاردى رەتتەۋ جانە باسەكەلەستىكتى قورعاۋ جونىندەگى دەپارتامەنتتىڭ باسشىلىعى «پەتروپاۆل جىلۋ جەلىلەرى» جشس-ءنىڭ جىلۋدىڭ باعاسىن ءوسىرۋ ءىس-ارەكەتىنىڭ زاڭسىزدىعى جايلى مالىمدەمە تاراتتى. بۇل تۋرالى egemen.kz ءتىلشىسى حابارلادى.
اتالمىش مەكەمە جىلۋ قۋاتىن بەرۋ جانە تاراتۋدىڭ رەتتەلەتىن قىزمەت ءتۇرى بويىنشا تابيعي مونوپوليالاردىڭ سۋبەكتىسى رەتىندە 2014 جىلى 1 ساۋىردە دەپارتامەنتكە 2 جىلدىق تاريف سمەتاسىن بەكىتۋ تۋرالى ءوتىنىم تۇسىرگەن. الايدا, وسى جىلى 12 ماۋسىمدا قابىلدانعان «تابيعي مونوپوليالار جانە رەتتەلەتىن رىنوكتار تۋرالى» زاڭعا سايكەس, تابيعي مونوپوليا سۋبەكتىسىنىڭ مىندەتتەرى وزگەرتىلىپ, «تابيعي مونوپوليالار سۋبەكتىسى 5 جانە ودان دا كوپ جىلعا دەيىنگى اراقاشىقتىقپەن ۇزاقمەرزىمدى كەزەڭگە وكىلەتتى ورگان بەكىتكەن اقىرعى تاريفتەر (الىمدار باعاسى, ستاۆكالارى) دەڭگەيى بويىنشا رەتتەلەتىن قىزمەت كورسەتۋگە مىندەتتى» دەگەن جاڭا باپ ەنگىزىلگەن. زاڭناما تالاپتارىن باسشىلىققا العان دەپارتامەنت 2014 جىلعى 16 شىلدەدە «پەتروپاۆل جىلۋ جەلىلەرى» جشس-ءنىڭ ەكىجىلدىق مەرزىمگە جىلۋ قۋاتىن بەرۋ جانە تاراتۋعا ارنالعان قىزمەت ءتاريفىن جانە تاريف سمەتاسىن بەكىتۋدەن باس تارتقان. بۇل شەشىممەن كەلىسپەگەن «پەتروپاۆل جىلۋ جەلىلەرى» جشس وبلىستىق مامانداندىرىلعان اۋدانارالىق ەكونوميكالىق سوتقا شاعىم تۇسىرگەن. الايدا, مەكەمەنىڭ ارىزى قاناعاتتاندىرىلماعان. بۇدان كەيىن سەرىكتەستىك بيىل قاڭتاردا ازاماتتىق جانە اكىمشىلىك ىستەر جونىندەگى اپەللياتسيالىق سوت القاسىنا جۇگىنگەنىمەن, بۇرىنعى شەشىم وزگەرىسسىز قالدىرىلدى.
ءومىر ەسقالي.
دەرەك: egemen.kz.