قاسكەلەڭ قالاسىنىڭ ماڭىنا جۇمىس ىزدەپ وزبەكستاننان كەلگەن ءتورت قانداسىمىز قۇلدىقتان قۇتقارىلدى.
قانداي جۇمىستان بولسا دا تارتىنباي, قالايدا قاراجات تابۋدى عانا ويلاعان جاندار اۋەلى الداۋعا ءتۇسىپ, سوسىن شاراسىزدىقتان كۇنكورىستەرىن كۇيتتەپ, ايلار بويى تەگىن جۇمىس ىستەگەن. ناقتىلاي تۇسسەك, قۇلدىقتىڭ قامىتىن كيگەن.
«ادامدى ەركىنەن تىس ەڭبەك ەتۋگە ماجبۇرلەۋگە قاتىستى ىشكى ىستەر ورگانىندا تىركەلگەن دەرەك بويىنشا تەرگەۋ امالدارى جۇرگىزىلىپ, پروتسەسسۋالدىق شەشىم قابىلداندى», دەيدى الماتى وبلىستىق ءىىد ءباسپاسوز قىزمەتىنىڭ باس مامانى جانار تولەگەنقىزى.
جالپى, وتكەن جىلى وبلىس اۋماعىندا ادامداردى زاڭسىز تۇردە بوستاندىقتان ايىرۋعا قاتىستى ەلىمىزدەگى ەڭ ءىرى مەگاپوليس الماتىنىڭ ىرگەسىندەگى اۋدانداردا 14 دەرەك ءتىركەلىپتى.
نۇربول الدىباەۆ,
«ەگەمەن قازاقستان».
الماتى وبلىسى.