بۇگىن جاقسى – ەسىل – بۇزۋلىق تاسجولىنىڭ 72 شاقىرىمىندا كەلە جاتقان «گازەل» كولىگىنىڭ جۇرگىزۋشىسى تەمىرجول وتكەلىندە تىيىم سالىنعان باعدارشامعا ءوتىپ كەتىپ, تەپلوۆوزعا سوعىلدى, دەپ حابارلايدى Egemen.kz.
41 جاستاعى جۇرگىزۋشى زارداپ شەككەن جوق, بىراق كولىك زاقىمدانعان. سونىمەن قاتار «قتج – جۇك تاسىمالى» جشس-نە ماتەريالدىق شىعىن كەلتىرىلدى.
«كولىك قۇرالىنىڭ جۇرگىزۋشىسىنە قاتىستى پوليتسيا قىزمەتكەرلەرى قر اقبتك-ءنىڭ 610-بابىنىڭ 1-بولىگىمەن «كولiك قۇرالدارىن جۇرگiزۋشiلەردiڭ ادام دەنساۋلىعىنا زيان كەلتiرۋگە اكەپ سوققان جول قوزعالىسى ەرەجەلەرiن بۇزۋى, كولىك قۇرالدارىن نەمەسە وزگە دە م ۇلىكتى ءبۇلدىرۋ» جانە قر اقبتك-ءنىڭ 607-بابىنىڭ 1-بولىگى بويىنشا «تەمىر جول وتكەلدەرىنەن ءوتۋ قاعيدالارىن بۇزۋ» بويىنشا قىلمىستىق جاۋاپكەرشىلىككە تارتىلدى», دەپ حابارلادى اقمولا وبلىستىق پوليتسيا دەپارتامەنتى.
پوليتسەيلەر بارلىق جول قوزعالىسى قاتىسۋشىلارى تەمىرجولدا ساقتىق تانىتىپ, تەمىر جولداردى تەك ارنايى جابدىقتالعان ورىنداردا كەسىپ وتۋلەرى قاجەت ەكەنىن ەسكە ءتۇسىردى.
جازاتايىم وقيعالاردىڭ الدىن الۋ ماقساتىندا جۇرگىزىلىپ جاتقان پروفيلاكتيكالىق جۇمىستارعا قاراماستان, وبلىستا تەمىرجول وتكەلدەرىندە جازاتايىم وقيعالار تىركەلىپ جاتىر.