قازاقستان ۇلتتىق وليمپيادالىق كوميتەتىنىڭ پرەزيدەنتى گەننادي گولوۆكين پاريجدەگى وليمپيادا ويىندارىندا شەشۋشى كەزدەسۋلەر وتكىزىپ, بىرقاتار ماڭىزدى ماسەلەنى تالقىلادى. بۇل تۋرالى ۇلتتىق وليمپيادالىق كوميتەتتىڭ ءباسپاسوز قىزمەتى حابارلادى, دەپ جازادى Egemen.kz.
كەزدەسۋلەر بارىسىندا قازاقستان مەن ازيا قۇرلىعىندا سپورتتى دامىتۋ ماسەلەلەرى تالقىلاندى.
قازاقستان ۇوك باسشىسى ۇلتتىق وليمپيادالىق كوميتەتتەر قاۋىمداستىعىنىڭ (ۇوكق) پرەزيدەنتى روبەرت ميتچەلل مەن ۇيىمنىڭ باس حاتشىسى گۋنيللا ليندبەرگپەن وتكەن كەزدەسۋدە ۇوكق باس اسسامبلەياسىنا دايىندىق بارىسىنا توقتالدى. اسسامبلەيا وتىرىسى وسى جىلدىڭ قاراشاسىندا پورتۋگاليادا وتەدى. ودان بولەك, 2025-2028 جىلدارعا ارنالعان وليمپيادالىق نيەتتەستىك باعدارلاماسى ەگجەي-تەگجەيلى تالقىلاندى.
ۇلتتىق وليمپيادالىق كوميتەتتەردى قولداۋ جانە قازاقستاننىڭ حالىقارالىق سپورتتىق قوعامداستىقتاعى ءرولىن نىعايتىپ, وتاندىق سپورتتى دامىتۋعا قوسىمشا كۇش بەرەتىن وليمپيادالىق قوزعالىستى عالامدىق دەڭگەيدە دامىتۋ ستراتەگياسى دا تالقىلاندى.
ء«بىز حالىقارالىق قوعامداستىق تاراپىنان قازاقستان ۇوك جاڭا پرەزيدەنتىنە دەگەن ۇلكەن قىزىعۋشىلىق بايقاپ وتىرمىز جانە ونىڭ الەمدىك سپورتتاعى ءىرى تۇلعا ەكەنى, سونىمەن قاتار, وليمپياداشى رەتىندە تانىلعانى دا ءبىزدىڭ قىزمەتىمىزگە وڭ اسەر ەتۋدە. ءبىز ۇوك-كە كەلگەن بىرنەشە اي ىشىندە حالىقارالىق باعىتتى رەتتەۋگە ارنالعان اۋقىمدى جۇمىس اتقارىلدى. كوماندامىزدىڭ ءاۋ باستان تاڭداعان ستراتەگياسى دا وسى بولاتىن. پاريجدە وتكەن كەزدەسۋلەر تەك باستاماسى عانا, الداعى كۇز ايلارى ۇوك ءۇشىن قاربالاسقا تولى بولماق», دەدى قازاقستان ۇوك باس حاتشىسى جانار ۋتەشەۆا.