استانانىڭ جاڭا باس جوسپارىنا ساي 2035 جىلعا دەيىن 430-دان استام الەۋمەتتىك نىسان بوي كوتەرەدى. ونىڭ ىشىندە 164 نىسان – مەكتەپ. بۇل تۋرالى ەلوردا اكىمى جەڭىس قاسىمبەك الەۋمەتتىك جەلىدەگى پاراقشاسىندا حابارلادى, دەپ جازادى Egemen.kz.
قازىرگى ۋاقىتتا قالادا 100 مىڭعا جۋىق وقۋشىعا (ەكى اۋىسىمدى) ارنالعان 30-دان استام مەكتەپتىڭ قۇرىلىسى ءجۇرىپ جاتىر. جاڭا وقۋ جىلى ىشىندە 23 مەكتەپ سالىنادى.
«قالانى ارالاۋ بارىسىندا الداعى وقۋ جىلىنىڭ باسىندا اشىلاتىن مەكتەپتەردىڭ قۇرىلىسىمەن تانىستىم. 8 جايلى مەكتەپ مىنا مەكەنجايلاردا ورنالاسقان: سارىارقا اۋدانى, ۇلىتاۋ مەن ناۋرىز كوشەلەرىنىڭ قيىلىسىندا جانە بەيبارىس سۇلتان كوشەسىندە;- نۇرا اۋدانى, تولە بي كوشەسى مەن 24 كوشەنىڭ قيىلىسىندا;- ەسىل اۋدانى, قابانباي باتىر داڭعىلى مەن سىعاناق كوشەسىنىڭ قيىلىسىندا;- نۇرا اۋدانى, تولە بي, 31 كوشەلەرىندە, ماڭگىلىك ەل داڭعىلى مەن ە-497 كوشەسىنىڭ قيىلىسىندا, ورىنبور مەن №37 كوشەلەرىنىڭ قيىلىسىندا;- الماتى اۋدانى, ا.بايتۇرسىن ۇلى كوشەسىندە», دەپ جازدى استانا قالاسىنىڭ اكىمى.
سونداي-اق, وقۋ جىلىنىڭ باسىندا جوعارىدا اتالعان وقۋ ورىندارىنان بولەك 3 مەملەكەتتىك جانە ءبىر جەكە مەكتەپ اشۋ جوسپارلانعان. ال جىل سوڭىنا دەيىن تاعى 7 جايلى مەكتەپ, 2 مەملەكەتتىك مەكتەپ جانە 2 جەكەمەنشىك مەكتەپ اشۋ كوزدەلگەن.