قايرات ساتىبالدىنىڭ مەملەكەتكە قايتارعان مۇلكى جاريالاندى

سىبايلاس جەمقورلىققا قارسى قىزمەت اگەنتتىگى ق. ساتىبالدى ۇلىنا قاتىستى «قازاقتەلەكوم» اق, «كولىك سەرۆيس ورتالىعى» اق قاراجاتىن اسا ءىرى مولشەردە جىمقىرۋ, قىلمىستىق جولمەن الىنعان اقشانى جانە وزگە دە م ۇلىكتى زاڭداستىرۋ (جىلىستاتۋ), سونداي-اق ونىڭ باقىلاۋىنداعى كومپانيانىڭ كەدەندىك باجداردى تولەۋدەن جالتارۋ فاكتىلەرى بويىنشا قىلمىستىق ىستەردى تەرگەدى.

تەرگەۋ بارىسىندا ول ءوز كىناسىن تولىق مويىنداپ, كەلىتىرىلگەن زالالدى تولىق وتەگەنى انىقتالدى. 

«2022 جىلدان باستاپ قازىرگى ۋاقىتقا دەيىن ق. ساتىبالدى ۇلى جانە ونىمەن بايلانىستى تۇلعالاردان مەملەكەتكە زاڭسىز ساتىپ الىنعان 732,8 ملرد تەڭگە نەمەسە 1,6 ملرد اقش دوللارىنان استام سوماعا م ۇلىكتىك اكتيۆتەر مەن اقشالاي قاراجات قايتارىلدى. ونىڭ ىشىندە 661,5 ملن اقش دوللارى شەتەلدەن تابىلدى, ولار قىسقا مەرزىمدە قازاقستانعا قايتارىلعان. ق. ساتىبالدى ۇلىمەن بەلسەندى ىنتىماقتاستىق ناتيجەسىندە اۆستريا, ليحتەنشتەين, ءباا, تۇركيا جانە ت. ب. ەلدەردەن قايتارىلدى», دەلىنگەن اگەنتتىك حابارلاماسىندا. 

ق. ساتىبالدى ۇلىنا قاتىستى قىلمىستىق ىستەر بويىنشا سوتقا دەيىنگى تەرگەپ-تەكسەرۋ بارىسىندا قايتارىلعان اكتيۆتەردىڭ جالپى سوماسى 732,8 ملرد تەڭگەنى قۇراعان. 1. «قازاقتەلەكوم» اق اكتسيالارىنىڭ 28,8% - 93,8 ملرد تگ. 2. «كسو» اق – 30,2 ملرد تگ. 3. 4 كومپانياداعى قاتىسۋ ۇلەسى – 10,3 ملرد تگ. 4. قازاقستانداعى م ۇلىكتىك اكتيۆتەر – 158,5 ملرد تگ. 5. ەكسكليۋزيۆتى زەرگەرلىك بۇيىمدار – 105,39 ملرد تگ. (230 ملن.$) 6. قازاقستاندىق شوتتارداعى اقشا – 36,8 ملرد تگ. 7. اۆستريادان كەلگەن اقشا – 36,8 ملرد تگ. (82,1 ملن.$) 8. ليحتەنشتەيننەن تۇسكەن اقشا – 116,7 ملرد تگ. (260,5 ملن.$) 9. ءباا-دەن كەلگەن اقشا – 6,3 ملرد تگ. (14 ملن.$); 10. تۇركيادان كەلگەن اقشا – 2,2 ملرد تگ. (4,92 ملن.$); 11. باعالى قاعازداردى ساتۋ – 135,8 ملرد تگ. (300 ملن دوللار).

سونداي-اق استانا جانە الماتى قالالارىندا مەملەكەتكە بەرىلگەن اكىمشىلىك عيماراتتاردىڭ جالپى اۋدانى 180 مىڭ شارشى مەتردەن اسادى. بۇرىن بۇل اكتيۆتەر جالعا بەرىلىپ, جىل سايىن مەنشىك يەسىنە ميللياردتاعان تابىس اكەلگەن, ونى قازىر مەملەكەت الۋشى بولدى.قايتارىلعان ليۋكس نىساندارىنىڭ ءبىرى – اقمولا وبلىسىنىڭ باراپ اۋىلىندا جالپى اۋدانى 1,5 مىڭ شارشى مەتر جەر ۋچاسكەسى. ال 135 گەكتارلىق ق. ساتىبالدى ۇلىنىڭ بۇرىنعى رەزيدەنتسياسى استانا قالاسىنىڭ ءبىلىم باسقارماسىنا بەرىلگەن.اگەنتتىك بۇل قاراجاتتار مەملەكەتكە قايتارىلىپ, الەۋمەتتىك ماقساتتاردا پايدالانۋعا باعىتتالاتىنىن مالىمدەدى.