11 تامىز كۇنى پاريجدەگى جازعى وليمپيادا ويىندارىنىڭ كۇمىس جۇلدەگەرى دەمەۋ جادىراەۆ اناسى كۇليپا بيجانوۆامەن بىرگە جاركەنت قالاسىنداعى وبلىس باسشىلىعى سىيعا تارتقان جاڭا ۇيگە باردى, دەپ حابارلايدى Egemen.kz.
وبلىس اكىمى كۇليپا بيجانوۆاعا قازاقستاننىڭ ماقتانىشىنا اينالعان باتىر ۇلدى تاربيەلەپ وسىرگەنى ءۇشىن العىس ايتىپ, تۇرعىن ءۇي كىلتىن سالتاناتتى تۇردە تاپسىرعان بولاتىن.
جاڭا ءۇي زاماناۋي جيھازدارمەن, تۇرمىستىق تەحنيكامەن تولىق جابدىقتالعان. بۇل ءوز كەزەگىندە كۇليپا بيجانوۆانىڭ قولايلى جاعدايدا ءومىر سۇرۋىنە ۇلكەن سەپتىگىن تيگىزەدى. دەمەۋ جادىراەۆ بۇل ءۇيدىڭ اناسىنا جىلى ۇيا, جايلى مەكەن, ال ءوزى ءۇشىن قۋانا-قۋانا كەلەتىن سۇيىكتى شاڭىراعى بولاتىنىن اتاپ ءوتتى.
سالتاناتتى قابىلداۋ كەزىندە وبلىس اكىمى بەيبىت يساباەۆ: «الىپ انادان تۋادى», حالقىنا لايىقتى پەرزەنت بولا بىلگەن وسىنداي ەر ازاماتتى تاربيەلەپ وسىرگەنىڭىز ءۇشىن ەڭ الدىمەن, دەمەۋدىڭ اناسى, سىزگە العىسىمىزدى بىلدىرەمىز. قۇرمەتتىڭ ۇلكەنى, سىيدىڭ تورەسى ەڭ ءبىرىنشى اناعا جاسالۋى كەرەك», دەگەن بولاتىن.
جادىراەۆتار وتباسى دەمەۋدىڭ سپورتتاعى قاجىرلى جولىنىڭ جانە الداعى جەتىستىكتەرىنىڭ بەلگىسىندەي بولعان جاڭا ۇيگە كوشۋدى باستادى.