كەشە داۆوستاعى دۇنيەجۇزىلىك ەكونوميكالىق فورۋمدا قازاقستان رەسپۋبليكاسىنىڭ پرەمەر-ءمينيسترى كارىم ءماسىموۆ پەن ەكونوميكالىق ىنتىماقتاستىق جانە دامۋ ۇيىمىنىڭ (ەىجد) باس حاتشىسى انحەل گۋرريا 2015-2016 جىلدارعا ارنالعان ەلدىك ىنتىماقتاستىق باعدارلاماسىن جۇزەگە اسىرۋ تۋرالى قازاقستان ۇكىمەتى مەن ەىجد اراسىنداعى ءوزارا تۇسىنىستىك تۋرالى مەموراندۋمعا قول قويدى, دەپ حابارلادى پرەمەر-ءمينيستردىڭ ءباسپاسوز قىزمەتى.
باعدارلامادا رەفورمالار جۇرگىزۋ, سونداي-اق, قازاقستاننىڭ الەۋمەتتىك-ەكونوميكالىق دامۋىنىڭ شەشۋشى سالالارىندا ءىرى جوبالاردى جۇزەگە اسىرۋ قاراستىرىلعان. ەلدىك باعدارلاما قازاقستاننىڭ ەىجد-نىڭ بىرقاتار قارارلارى مەن ۇسىنىس-كەڭەستەرىنە قوسىلۋىنا, ونىڭ قۇرىلىمدىق بولىمشەلەرىنىڭ جۇمىسىنا اتسالىسۋىنا مۇمكىندىك بەرەدى.
قازاقستان رەسپۋبليكاسى مەن ەىجد اراسىنداعى ەكىجاقتى ىنتىماقتاستىق ەلدىڭ مەملەكەتتىك باسقارۋ جۇيەسى, ءبىلىم بەرۋ, دەنساۋلىق ساقتاۋ, جۇمىسپەن قامتۋ, فيسكالدىق ساياسات سالالارىنداعى باسەكەگە قابىلەتتىلىگىن ارتتىرۋعا جاعداي جاساپ, ىسكەرلىك احۋالدى جاقسارتادى. قازاقستان ەىجد العاش رەت ەلدىك ىنتىماقتاستىق باعدارلاماسىن بىرلەسىپ ازىرلەگەن ءتورت ەلدىڭ ءبىرى بولىپ وتىر.
ەلدىك باعدارلامانى جۇزەگە اسىرۋ 2050 جىلعا قاراي الەمنىڭ نەعۇرلىم دامىعان 30 ەلىنىڭ قاتارىنا قوسىلۋ جونىندەگى ۇزاقمەرزىمدى ءمىندەتكە قول جەتكىزۋ ءۇشىن قازاقستاننىڭ ەىجد ەلدەرىنىڭ وزىق ءتاجىريبەلەرىن ەنگىزۋگە دەگەن ۇمتىلىسىن ايعاقتايتىن ەكىجاقتى قارىم-قاتىناستاردىڭ ستراتەگيالىق ماڭىزدى ساتىسى بولىپ تابىلادى, دەپ اتاپ ءوتتى كارىم ءماسىموۆ قول قويۋ قورىتىندىسى بويىنشا.
ءوز كەزەگىندە, انحەل گۋرريا دا قول قويىلعان قۇجاتتىڭ ماڭىزدىلىعىن اتاپ كورسەتتى.
قازاقستان ەۋروپا مەن ازيانىڭ قيىلىسىندا ستراتەگيالىق تۇرعىدا ورنالاسقان, ورتالىق ازيادا ەكونوميكاسى كوش باستاۋشى ەل بولىپ تابىلادى. مەن ەلدىك باعدارلامانى جۇزەگە اسىرۋدىڭ وڭ اسەرىنىڭ رەفورمالارعا جانە وڭىردەگى وزگە ەلدەرگە پايدا اكەلەتىنىنە سەنىمدىمىن, دەدى ەىجد-نىڭ باس حاتشىسى.