فرانتسيا استاناسى پاريج قالاسىندا ءوتىپ جاتقان وليمپيادا ويىندارىندا بۇگىن ەركىن كۇرەستەن ەل نامىسىن الىشەر ەرعالي قورعادى, دەپ جازادى Egemen.kz اقپارات اگەنتتىگى.
97 كەلى سالماقتا سىنعا تۇسكەن وتانداسىمىز ءبىرىنشى بەلدەسۋىندە مىسىرلىق مۇستافا ءال-ەلسايەد ەلدەرسپەن كۇرەسىپ, 6:2 ەسەبىمەن جەڭىسكە جەتتى. الىشەر ءۇشىن بۇل ەكىنشى وليمپيادا ويىندارى.
ەستەرىڭىزگە سالا كەتەيىك, كەشە ەركىن كۇرەستەن 125 كەلىگە دەيىنگى سالماقتا سىنعا تۇسكەن يۋسۋپ باتىرمىرزاەۆ ءبىرىنشى بەلدەسۋىندە پولشالىق روبەرت بارانعا 4:1 ەسەبىمەن ەسە جىبەرگەن بولاتىن.
ال ودان 86 كەلىگە دەيىنگى سالماقتا ازامات داۋلەتبەكوۆ العاشقى بەلدەسۋىندە اقش بالۋانى اورون برۋكسكە 3:4 ەسەبىمەن ەسە جىبەرسە, 57 كەلى سالماقتا مەيرامبەك قارتباي العاشقى بەلدەسۋدە قىرعىز بالۋانى بەكزات المازۋلىنان 1:4 ەسەبىمەن ۇتىلدى.