قازاقستاندىق دەلەگاتسيا دۇنيەجۇزىلىك فورۋمعا قاتىستى
تاياۋدا اۋىل شارۋاشىلىعى ءمينيسترىنىڭ ورىنباسارى ساپارحان وماروۆ باسقارعان ەلىمىزدىڭ دەلەگاتسياسى بەرلين قالاسىنا جۇمىس ساپارىمەن بارىپ, «جاسىل اپتا» حالىقارالىق جارمەڭكەسى شەڭبەرىندە وتەتىن ءداستۇرلى دۇنيەجۇزىلىك ازىق-ت ۇلىك جانە اۋىل شارۋاشىلىعى فورۋمىنا قاتىستى. قازاقستاندىق دەلەگاتسيا قۇرامىنا مينيسترلىكتەردىڭ جانە «قازاگرو» ۇلتتىق كومپانياسىنىڭ باسشى قىزمەتكەرلەرى كىردى.
گەرمانيانىڭ فەدەرالدىق ازىق-ت ۇلىك جانە اۋىل شارۋاشىلىعى ءمينيسترى كريستيان ءشميدتتىڭ توراعالىعىمەن وتكەن فورۋمنىڭ اياسىندا ۇلتتىق ازىق-ت ۇلىكتىڭ, تاعام ءوندىرىسىنىڭ, اۋىل شارۋاشىلىعىنىڭ, اگروونەركاسىپتىڭ دامۋ سەكتورلارىنىڭ جانە ت.ب. قاۋىپسىزدىگىنە قاتىستى ماسەلەلەر تالقىلاندى.
قازاقستاندىق دەلەگاتسيا بەرلينگە ساپارى بارىسىندا گەرمانيانىڭ ازىق-ت ۇلىك جانە اۋىل شارۋاشىلىعى مينيسترلىگىنىڭ ۇكىمەتتىك ستاتس-حاتشىسى روبەرت كلوسپەن, موڭعوليانىڭ اۋىل شارۋاشىلىعى ءمينيسترى راديا بۋرماامەن جانە باسقا رەسمي تۇلعالارمەن ەكىجاقتى كەزدەسۋلەر وتكىزدى. سونىمەن قاتار, «GWE-Group», «CLAAS» نەمىس كومپانيالارىنىڭ باسشىلارىمەن ىنتىماقتاستىقتى تەرەڭدەتۋ ماسەلەلەرى بويىنشا كەلىسسوزدەر جۇرگىزدى.
بەرليندە بيىلعى 80-ءشى «جاسىل اپتا» جارمەڭكەسىندە 70 ەلدىڭ 1650 كورمە ەكسپوناتتارى ۇسىنىلدى. الەمنىڭ بارلىق قۇرلىقتارىنان كەلگەن 70 اۋىل شارۋاشىلىعى مينيسترلەرى جانە شەتەلدىك دەلەگاتسيا سانىنىڭ ەداۋىر ءوسۋى ەسەسىنەن بيىلعى جارمەڭكە شەتەل قاتىسۋشىلارىنىڭ سانى بويىنشا 1926 جىلعى رەكوردتان وزىپ شىقتى.
«ەگەمەن-اقپارات».