الماتى سپورت باسقارماسىنىڭ باسشىسى ەردەن حايرۋللين پاريجدە كەنەتتەن قايتىس بولدى. اقپاراتتى قر تۋريزم جانە سپورت مينيسترلىگى راستادى, دەپ حابارلايدى Egemen.kz.
قر تۋريزم جانە سپورت ءمينيسترىنىڭ قوعام جانە باق جونىندەگى كەڭەسشىسى دياس احمەتشارىپتىڭ ايتۋىنشا, باسقارما باسشىسى تۇندە قايتىس بولعان.
الدىن الا سەبەپ — جۇرەك تالماسى. ەردەن حايرۋللين 36 جاستا بولعان ەدى.
ەردەن حايرۋللين الماتى قالاسىنىڭ سپورت باسقارماسىن 2022 جىلدان بەرى باسقارىپ كەلگەن.
2012-2019 جىلدار ارالىعىندا المالى اۋدانى اكىمى اپپاراتىنىڭ كاسىپكەرلىكتى جانە ونەركاسىپتى دامىتۋ ءبولىمىنىڭ باس مامانىنىڭ مىندەتىن اتقارۋشى, كاسىپكەرلىكتى جانە ونەركاسىپتى دامىتۋ ءبولىمىنىڭ باسشىسى قىزمەتتەرىن اتقارعان. 2019-2022 جىلدارى الماتى قالاسى المالى اۋدانى اكىمىنىڭ ورىنباسارى قىزمەتىن اتقارعان.