ەكى جىلدان بەرى, اۋىل شارۋاشىلىعى ءمينيسترى س.مامىتبەكوۆتىڭ كوتەرىپ جۇرگەن ماسەلەلەرىنىڭ ءبىرى دە بىرەگەيى, ول اۋىل شارۋاشىلىعىنىڭ ءونىم وندىرۋشىلەرىنە مەملەكەتتەن ماتەريالدىق جانە قارجىلىق جاردەم بەرۋدىڭ وڭدى دا ءتيىمدى جولدارى, ولارعا تىكەلەي قارجىلاي جاردەم بەرگەننەن, شىعىندارىنىڭ ەدەۋىر بولىگىن مەملەكەتتىك سۋبسيديا ەسەبىنەن تولەپ بەرۋ بولاتىن. ەندى مىنە, بىلتىر وسى ماسەلە وڭدى شەشىمىن تاۋىپ, «اگروونەركاسىپتىك كەشەن سۋبەكتىسى ينۆەستيتسيالىق سالىنىمدار كەزىندە جۇمساعان شىعىستارىنىڭ ءبىر بولىگىنىڭ ورنىن تولتىرۋ بويىنشا سۋبسيديالاۋ قاعيدالارىن بەكىتۋ تۋرالى» ۇكىمەتتىڭ قاۋلىسى قابىلداندى, ءسويتىپ, اۋىلشارۋاشىلىق كەشەندەرى سۋبەكتىلەرى شىعىندارىنىڭ ءبىراز بولىگىن مەملەكەتتىك سۋبسيديا ەسەبىنەن تولەپ بەرۋدىڭ جاڭا ەرەجەسىن بەكىتتى. بۇل قاعيدالار «اگروونەركاسىپتىك كەشەندى جانە اۋىلدىق اۋماقتاردى دامىتۋدى مەملەكەتتىك رەتتەۋ تۋرالى» 2005 جىلعى 8 شىلدەدەگى زاڭعا سايكەس ءازىرلەنگەن جانە جاڭا وندىرىستىك قۋاتتاردى قۇرۋعا نەمەسە جۇمىس ىستەپ تۇرعاندارىن كەڭەيتۋگە باعىتتالعان ينۆەستيتسيالار كەزىندە اگروونەركاسىپتىك كەشەن سۋبەكتىسى جۇمساعان شىعىستاردىڭ ءبىر بولىگىنىڭ ورنىن تولتىرۋ (ينۆەستيتسيالىق سۋبسيديالار) ءتارتىبىن ايقىندايدى.
ينۆەستيتسيالىق سالىنىمدار كەزىندە اوك سۋبەكتiلepi جۇمساعان شىعىستاردىڭ بip بولىگىنىڭ ورنىن تولتىرۋ بويىنشا سۋبسيديالاۋدىڭ نەگىزگى ماقساتى كاپيتال سىيىمدىلىعىن تومەندەتۋ جانە سالىنعان ينۆەستيتسيالاردىڭ وتەمدىلىگىن ارتتىرۋ جولىمەن اوك-ءتىڭ باسىم باعىتتارىندا (سەكتورلارىندا) ينۆەستيتسيالىق جوبالاردى icكe اسىرۋ شەڭبەرىندە تاۋارلاردىڭ, جۇمىستاردىڭ جانە كورسەتىلەتىن قىزمەتتەردىڭ قولجەتىمدىلىگىن ارتتىرۋ بولىپ تابىلادى. ەگەردە وسى قاۋلى ءىس جۇزىندە ورىندالسا, وندا, اۋىل شارۋاشىلىعىنىڭ تامىرىنا قان ءجۇرىپ, شارۋاشىلىقتار شارۋاسى دامي باستايدى, سەبەبى, وسى سۋبەكتىلەردىڭ ءونىم وندىرۋگە كەتكەن شىعىندارىنىڭ 20-دان 80 پايىزعا دەيىنگى قاراجاتىن سۋبسيديا ەسەبىنەن جابۋ قاراستىرىلعان, بۇل جاعدايدا ءونىم وندىرۋشىلەر ازداپ بولسا دا پايداعا كەنەلىپ, ولاردىڭ وندىرىسكە دەگەن قىزىعۋشىلىعى ارتادى.
مەملەكەت ءبىرىنشى رەت اگروونەركاسىپ كەشەنى سۋبەكتىلەرىنە, شىعىندارىن جابۋ ءۇشىن 20-دان 80 پايىزعا دەيىن سۋبسيديا بەرمەكشى. بۇل شارۋالارعا وتە ءتيىمدى, ناقتىلاي جاردەم بولادى. مۇنداي تاسىلدەر دامىعان مەملەكەتتەردە بۇرىننان بار. ەندى ءبىزدىڭ مەملەكەتتە دە قولدانىسقا ەنبەگى وتە قۇپتارلىق قۋانىشتى جاعداي, ياعني مەملەكەت اۋىل ماسەلەسىنە دە تولىق كوڭىل بولە باستادى دەپ ايتا الامىز. مۇنىڭ بارلىعى دا جالپى اۋىل شارۋاشىلىعىنا مەملەكەت تاراپىنان بولىنەتىن قارجىنىڭ كولەمىنە بايلانىستى. ماسەلەن, رەسەيدە اۋىل شارۋاشىلىعىنا بولىنەتىن جالپى قارجىنىڭ كولەمى, ىشكى جالپى ءونىمنىڭ 16 پايىزىن قۇراسا, ول كورسەتكىش بەلورۋسسيادا – 24 پايىز, ال قازاقستاندا قازىرگى كۇنى ءالى دە 5 پايىزعا جەتپەي وتىر.
قاۋلىنىڭ قاعيدالارىندا ورىنداۋ جولدارى ناقتىلانىپ, قوسىمشالارىندا جوبانىڭ پاسپورتى, ماقساتى ايقىن انىقتالىپ, فەرمەرلىك قوجالىقتارعا تەحنيكا مەن جابدىقتار ساتىپ الۋدا, ولاردىڭ اتاۋى جانە تەحنيكالىق سيپاتتامالارى كورسەتىلىپ, ءبىر بىرلىككە بارىنشا رۇقسات ەتىلگەن قۇندارىنا دەيىن ناقتى جازىلعان.
بۇل اۋىل شارۋاشىلىعىنىڭ نەگىزگى تۇرلەرىن دامىتۋعا, اۋقىمىن كەڭەيتۋگە, العا جىلجۋىنا ۇلكەن مۇمكىندىكتەر تۋعىزۋدىڭ بىردەن-ءبىر ءتيىمدى جولدارى. وسى مۇمكىندىكتەردى ەندى ءونىم وندىرۋشىلەر دۇرىس جانە تەزىرەك ءتيىستى قۇجاتتارىن دايىنداپ, مەملەكەتتىڭ سۋبسيديا ءۇشىن بولىنگەن قاراجاتىن ءتيىمدى پايدالانىپ قالۋى كەرەك.
مەن ءوزىم اۋىل شارۋاشىلىعىنا ەلۋ جىلدان استام ۋاقىت ەڭبەك سىڭىرگەن ازاماتپىن, ءالى دە ەڭبەك ەتۋدەمىن. وداق كەزىندە كەڭشاردا مامان بولىپ جيىرما جىلعا جۋىق قىزمەت جاسادىم, ال ەندى ەگەمەن ەل بولىپ ەڭسەمىزدى كوتەرگەلى بەرى دە ايانباي ەڭبەك ەتىپ, وسى سالانىڭ دامۋىنا قىزمەت جاساپ, مۇمكىندىگىمىزدى سارقا پايدالانىپ, ءبىلىمىمىزدى, تاجىريبەمىزدى تاۋەلسىز مەملەكەتىمىزدىڭ وركەندەۋىنە, جۇمساپ, شاما-شارقىم كەلگەنشە اتسالىسىپ كەلەمىن. مەنىڭ بۇل جەردە قاداپ, ناقتىلاپ ايتپاعىم, ءدال مۇنداي مەملەكەتتىك قامقورلىق ەگەمەندىك العانعا دەيىن دە, ودان كەيىن دە, اۋىل شارۋاشىلىعىندا بۇرىن-سوڭدى بولماعان ەدى. ەلىمىزدىڭ ەكونوميكاسى دامىپ, ەلباسىمىزدىڭ ساليقالى ساياساتىنىڭ ارقاسىندا, وسىنداي سالماقتى, ساليقالى, اۋقىمدى, ەڭ باستىسى, تاۋار وندىرۋشىلەرگە وتە ءتيىمدى قارجىلىق جاردەم بەرەتىن قاۋلىنىڭ قابىلدانۋى, اۋىل شارۋاشىلىعىندا ەڭبەك ەتىپ, ونىڭ قيىنشىلىقتارىنا ءتوزىپ, اتا-بابا كاسىبىن تاستاپ كەتە الماي قينالىستا جۇرگەن ۇلتىمىزدىڭ جاناشىرلارى, قايتپاس قاجىرلى حالقىمىزدىڭ وكىلدەرى ءۇشىن ۇلكەن سەرپىلىس بەرەدى.
ول ءۇشىن ەلباسىمىزعا راحمەتىمدى ايتا وتىرىپ, اعايىندى اۋىلدىق جەرلەردە اتا كاسىبىمىزدى دامىتۋعا ۇلەس قوسۋعا شاقىرامىن.
نۇرماحانبەت ايتۋعانوۆ,
اۋىل شارۋاشىلىعى عىلىمدارىنىڭ كانديداتى, مەملەكەتتىك سىيلىقتىڭ
لاۋرەاتى.
الماتى.