پرەزيدەنت «سامۇرىق-قازىنا» اكتسيونەرلىك قوعامىنىڭ باسقارما توراعاسى نۇرلان جاقىپوۆتى قابىلدادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
پرەزيدەنتكە قوردىڭ بيىلعى ءبىرىنشى جارتىجىلدىقتاعى قىزمەتىنىڭ نەگىزگى قورىتىندىلارى جانە الداعى جۇمىستارىنىڭ جوسپارى تانىستىرىلدى.
نۇرلان جاقىپوۆتىڭ ايتۋىنشا, باستى وندىرىستىك كورسەتكىشتەر جوسپارعا سايكەس اتقارىلىپ وتىر. قوردىڭ كىرىسى 7,9 تريلليون تەڭگەنى قۇرادى. بۇل بەلگىلەنگەن جوسپاردان 7 پايىزعا ارتىق.
قور تىكەلەي شەتەلدىك ينۆەستيتسيانىڭ كاتاليزاتورىنا اينالدى. سونىمەن قاتار مۇناي-گاز حيمياسى, ەنەرگەتيكا, كولىك جانە لوگيستيكا, ماشينا جاساۋ, تسيفرلاندىرۋ سالالارىنداعى جوبالارعا شەتەلدىك سەرىكتەستەرىمەن بىرلەسىپ ينۆەستيتسيا قۇيادى.
مەملەكەت باسشىسىنا «سامۇرىق-قازىنا» توبىنىڭ ينۆەستيتسيالىق پورتفەلىندە جالپى سوماسى 53,5 تريلليون تەڭگە بولاتىن 130-دان استام جوبا بار ەكەنى باياندالدى. مۇناي-گاز, مۇناي حيمياسى, ەنەرگەتيكا, لوگيستيكا سالالارىندا جانە تاۋ-كەن ونەركاسىبىندە جۇزەگە اسىرىلاتىن جوبالار ەل ەكونوميكاسىنا مۋلتيپليكاتيۆتى اسەر ەتەدى دەپ كۇتىلۋدە.
بۇدان بولەك, قاسىم-جومارت توقاەۆقا قوردىڭ بيزنەستىڭ الەۋمەتتىك جاۋاپكەرشىلىگى اياسىنداعى قايىرىمدىلىق جوبالارى تۋرالى مالىمەت بەرىلدى. جىل سوڭىنا دەيىن ەلىمىزدە 40 وڭالتۋ ورتالىعىن اشۋ جوسپارلانىپ وتىر.
كەزدەسۋ سوڭىندا مەملەكەت باسشىسى ينۆەستيتسيالىق جانە الەۋمەتتىك جوبالاردى جۇزەگە اسىرۋ, سونداي-اق قور جۇمىسىن ودان ءارى جەتىلدىرۋ جونىندە ناقتى تاپسىرما بەردى.