74 جاستاعى اتا «وسكەمەن-الماتى» باعىتىنداعى پويىز ۆاگونىندا قايتىس بولدى, دەپ حابارلايدى Egemen.kz.
پويىز جولاۋشىلارىنىڭ ءبىرى اتالعان قايعىلى جاعداي تۋرالى جەلىدە بايانداپ بەردى. ايتۋىنشا, پويىزدىڭ ءىشى ىستىق بولعان, ەر ادام ايەلىن ەرتىپ, تامبۋرعا شىعىپ كەتكەن. سول جەردە نەمەرەسىنىڭ كوزىنشە قايتىس بولدى.
«اتا ايەلىمەن بىرگە تامبۋرعا شىعىپ, اۋا جەتپەي قۇلاپ, قايتىس بولدى. مۇنىڭ ءبارى 13 جاسار نەمەرەسىنىڭ كوزىنشە بولعان. كوندۋكتورلاردا العاشقى مەديتسينالىق كومەك كورسەتۋ قوبديشاسى بولماعان. سارىوزەك ستانساسىنا جەتكەن جەدەل جاردەم ءمايىتتى كورپەگە وراپ الىپ كەتتى. زەمبىل بولعان جوق», دەپ ءبولىستى جولاۋشى.
كولىكتەگى پوليتسيا دەپارتامەنتى ەر ادامنىڭ ولىمىنە قاتىستى تەرگەۋ امالدارىن باستادى.
«قوناەۆ ستانساسىنداعى جەلىلىك پوليتسيا ءبولىمى «وسكەمەن-الماتى» باعىتىنداعى جولاۋشىلار پويىزىندا بولعان وقيعاعا قاتىستى سوتقا دەيىنگى تەرگەۋ امالدارىن باستادى», دەپ جاۋاپ بەردى دەپارتامەنتتىڭ ءباسپاسوز قىزمەتى.