بۇگىندە ەلىمىزدە جالپى سانى 57 مەملەكەتتىك تەاتر تىركەلگەن. جىل باسىنان بەرى شىعارماشىلىق ۇجىمدار 7 457 سپەكتاكل ساحنالاپ, وعان 1 501 418 ادام كەلىپتى.
تەاترلار جىل سايىن كورەرمەنگە اۋقىمدى باعدارلاما ۇسىنادى. ونىڭ ىشىندە تەك حالىق ىقىلاسىنا بولەنگەن تۋىندىلار عانا ەمەس, جاڭا قويىلىمدار دا بار. ماسەلەن, جىل باسىنان بەرى 170 پرەمەرا ساحنالانعان.
ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترى مەن م.لەرمونتوۆ اتىنداعى ۇلتتىق ورىس دراما تەاترىنا وسى جىلدىڭ ءبىرىنشى جارتىسىندا 70 مىڭنان استام كورەرمەن كەلگەن. ال مۇحتار اۋەزوۆ اتىنداعى قازاق ۇلتتىق دراما تەاترىنىڭ كەلگەن كورەرمەن سانى – 64 291.
جارتى جىل ىشىندە اباي اتىنداعى قازاق ۇلتتىق وپەرا جانە بالەت تەاترى 50 مىڭنان استام كورەرمەن جينادى. ايتا كەتەيىك, اتالعان تەاتر 90-مەرەيتويلىق ماۋسىمىن ح.لەۆەنسحولدتىڭ «سيلفيد» رومانتيكالىق بالەتىنىڭ جاڭا قويىلىمىمەن اياقتادى.
ودان بولەك, بيىل اقمولا وبلىستىق ورىس دراما تەاترى ەڭ كوپ پرەمەرا قويىپ, كورەرمەن نازارىنا 10 جاڭا سپەكتاكل ۇسىنعان.
جارتى جىل ىشىندە تەاتر ارتىستەرى 218 گاسترولدىك ساپارعا شىقسا, ونىڭ 201-ءى ەل ىشىندە, 17-ءسى شەت مەملەكەتتەردە بولدى. مەملەكەتتىك تەاترلار ۇجىمدارى كورەيا, تۇركيا, فرانتسيا, رەسەي, قىرعىزستان, وزبەكستان سياقتى ەلدەردىڭ ساحناسىندا ونەر كورسەتىپ ۇلگەردى.