پاريجدە ءوتىپ جاتقان وليمپيادا ويىندارىنداعى العاشقى جەكپە-جەگىندە جەڭىلىپ قالعان قازاقستان بوكسشىسى ماحمۇد سابىرحان كەزدەسۋ اياقتالا سالا «qazsport» ارناسىنا سۇحبات بەردى, دەپ حابارلايدى Egemen.kz.
57 كەلى سالماقتاعى ماحمۇد سابىرحان العاشقى اينالىمدا يسپانيانىڭ بىلعارى قولعاپ شەبەرى حوسە كيلەس بروتونستان جەڭىلىپ, جارىس جولىنان شىعىپ قالعان بولاتىن.
«ۇتىلعانىمدى مويىنداۋ كەرەك. بىراق 1-راۋندتا يسپانيالىق سپورتشىعا 5:0 ۇپاي بەرىپ جىبەردى. ءبىرىنشى راۋند ءبارىن قۇرتىپ جىبەردى نەگىزى. ءبىرىنشى راۋندتا ءوزىم جەڭگەندەي بولدىم. شىنىمدى ايتسام, 1-راۋندتى الىپ تۇرعان ەدىم. ەكىنشى راۋندتا دا الدىم با دەسەم, ونى دا بەرىپ جىبەردى. ءۇشىنشى راۋندتا ەش نارسە شەشپەيتىنىمدى ءبىلدىم. وسىمەن وليمپيادانى اياقتادىق. بار كۇشىمدى سالدىم», دەيدى بوكسشى.
ايتا كەتەيىك, ماحمۇد سابىرحان – بەس دۇركىن ەل چەمپيونى, جاستار جانە جاسوسپىرىمدەر اراسىنداعى ازيا چەمپيوناتىنىڭ جەڭىمپازى جانە جاستار اراسىنداعى الەم بىرىنشىلىگىنىڭ قولا جۇلدەگەرى. ەرەسەكتەر اراسىنداعى ازيا چەمپيوناتىندا, 2021 جىلى الەم بىرىنشىلىگىندە دە كۇمىس جۇلدەنى مىسە تۇتقان بولاتىن. 2023 جىلى تاشكەنتتە وتكەن الەم بىرىنشىلىگىندە 54 كەلى سالماقتا الەم چەمپيونى اتاندى.