بوكستان قازاقستان كومانداسىنىڭ مۇشەسى نۇربەك ورالباي پاريج وليمپياداسىنىڭ شيرەك فينالىنا ءوتتى, دەپ حابارلايدى Egemen.kz.
80 كەلى سالماقتا سىنعا تۇسكەن سپورتشى اۆستراليالىق كاللۋم پيتەرسپەن جۇدىرىقتاستى.
العاشقى راۋندتا نۇربەك 5:0 ەسەبىمەن العا شىققان. ەكىنشى راۋندتا كاللۋم ءدال سولاي قارقىندى جۇدىرىقتاسىپ, نۇربەكتى نوكداۋنعا جىبەرىپ ۇلگەردى.
ماتچتىڭ جەڭىمپازى ءۇشىنشى راۋندتا شەشىلدى. تورەشىلەر 3:2 ەسەبىمەن جەڭىستى نۇربەككە بەرىپ, قازاقستان بوكسشىسى وتە قيىن كەزدەسۋدە شيرەك فينالعا ءوتتى.