پەتروپاۆل. 22 قاڭتار. سولتۇستىك قازاقستان وبلىسىنىڭ اكىمى ەرىك سۇلتانوۆ ع. مۇسىرەپوۆ اتىنداعى اۋداندا بولىپ, جاڭادان پايدالانۋعا بەرىلگەن دەنە شىنىقتىرۋ- ساۋىقتىرۋ ورتالىعىن ارالاپ كوردى. بۇل تۋرالى وبلىستىق اكىمدىكتىڭ ءباسپاسوز قىزمەتى حابارلادى.
سپورت كەشەنىن سالۋعا رەسپۋبليكالىق قازىنادان 260 ملن. تەڭگە ءبولىنىپ, قۇرىلىس جۇمىستارىمەن «سولتۇستىك قۇرىلىس» فيرماسى اينالىستى. قازىر مۇندا ۆولەيبول, باسكەتبول, شاعىن فۋتبول, ترەناجەر, بوكس, جەكپە-جەك, 160 ورىنعا لايىقتالعان كورەرمەندەر زالدارى, مەديتسينا, دۋش كابينەتتەرى جۇمىس ىستەيدى.
ەرىك حامزا ۇلى دەنە شىنىقتىرۋ-ساۋىقتىرۋ ورتالىعىنا جۇگىرۋ جولاعىن سىيعا تارتتى. مۇنىڭ الدىندا اۋداندا ينۆەستورلار بولگەن 100 ملن. تەڭگەگە ءجۇزۋ باسسەينى بوي كوتەرگەن بولاتىن. وندا كۇنىنە جۇزگە تارتا ادام سۋعا شومىلىپ, سالاماتتى ءومىر سالتىنا بەيىمدەلەدى.
ءومىر ەسقالي.
دەرەك: سولتۇستىك قازاقستان وبلىسى اكىمدىگىنىڭ ءباسپاسوز قىزمەتى.
سۋرەت: total.kz.