قارجىلىق مونيتورينگ اگەنتتىگى جامبىل وبلىسىنىڭ پروكۋراتۋراسىمەن بىرلەسىپ, تاراز قالاسى اكىمدىگىنىڭ قارجى ءبولىمىنىڭ لاۋازىمدى تۇلعالارىنا قاتىستى بىرقاتار زاڭ بۇزۋشىلىق بويىنشا سوتقا دەيىنگى تەرگەپ-تەكسەرۋدى باستادى, دەپ حابارلايدى Egemen.kz ۆەدومستۆونىڭ ءباسپاسوز قىزمەتىنە سىلتەمە جاساپ.
«قالا اكىمشىلىگىنىڭ قىزمەتكەرلەرى مەملەكەت كىرىسىنە تۇسكەن تاۋارلىق-ماتەريالدىق قۇندىلىقتاردىڭ ەسەپكە الىنباۋىن پايدالانا وتىرىپ, رەسمي قۇجاتتاردى قولدان جاساۋ جولىمەن سوتتاردىڭ ۇكىمدەرى بويىنشا تاركىلەنگەن كوممەرتسيالىق جىلجىمايتىن م ۇلىك پەن حالىق تۇتىناتىن تاۋارلاردى مەكەمەنىڭ بالانسىنان زاڭسىز شىعارىپ العان», دەلىنگەن قما حابارلاماسىندا.اتالعان ازاماتتاردىڭ زاڭسىز ارەكەتتەرىنەن كەلتىرىلگەن زالال سوماسى 100 ملن تەڭگەدەن اسادى. قازىرگى ۋاقىتتا تەرگەۋ-جەدەل ءىس-شارالار, ءتيىستى ساراپتامالار جۇرگىزىلىپ جاتىر. ولاردىڭ ناتيجەلەرى بويىنشا ءىس جۇرگىزۋ شەشىمدەرى قابىلدانادى.