1894 جىلى حالىقارالىق وليمپيادا كوميتەتى قۇرىلدى. ءبىر قىزىعى, افينى قالاسىنداعى العاشقى وليمپيا ويىندارىندا تەك قانا ءبىرىنشى جانە ەكىنشى ورىندارعا يە بولعاندار عانا مەدالمەن ماراپاتتالعان.
1900 جىلى پاريجدە جانە 1904 جىلى سەنت-لۋيستەگى سايىستاردا مەدالداردىڭ ورنىنا كۋبوكتەر مەن باسقا سىيلىقتار سىيلانعان. ال ءدال قازىرگىدەي التىن, كۇمىس جانە قولا مەدال سىيلاۋ – 1908 جىلى لوندوندا وتكەن وليمپيا ويىندارىنان باساۋ الادى. تۇڭعىش رەت ۇيىمداستىرىلعان وليمپيادادان كەيىن بۇل دودانى ءتورت جىلدا ءبىر رەت وتكىزىپ تۇرۋ تۋرالى شەشىم قابىلدانادى. تورتكۇل دۇنيە كوز تىگەر دودا سوعىس جىلدارى كەزىندە عانا ازداپ توقتاپ قالعانىمەن, كەيىننەن ءوز جالعاسىن تاۋىپ كەتتى.