اتىراۋ. 22 قاڭتار. اتىراۋ وبلىسىندا ءدىني ەكسترەميزم مەن تەرروريزمگە قارسى ءىس-قيمىلداردىڭ وزەكتى ماسەلەلەرىن قامتىعان دەرەكتى فيلم ءتۇسىرىلدى. بۇل تۋرالى egemen.kz ءتىلشىسى حابارلادى.
اتىراۋ وبلىستىق پروكۋراتۋراسىنان حابارلانعانداي, بىلتىر ءدىني ەكسترەميزم مەن تەرروريزمنىڭ الدىن-الۋ باعىتىندا بىرقاتار جۇمىستار اتقارىلدى. اتاپ ايتقاندا, شەتەلدەردە تەولوگيالىق ءبىلىم الىپ كەلگەن اتىراۋلىق 17 تۇرعىنمەن كەزدەسۋدە ولارعا تەرروريزمنىڭ قوعامعا, ادامزاتقا تيگىزەر زالالى جانە تەرروريستىك ارەكەتتەردى جاساعانى, بۇل قىزمەتتى قارجىلاندىرعانى ءۇشىن قىلمىستىق كودەكستە كوزدەلگەن جاۋاپكەرشىلىكتەر ءتۇسىندىرىلىپ, الدىن-الا ەسكەرتۋ بەرىلدى.
سونداي-اق, بەلگىلەنبەگەن جەرلەردە ءدىني ادەبيەتتەردى ساتۋدىڭ 6 فاكتىسى انىقتالىپ, پروكۋراتۋرا ورگاندارىمەن 6 تۇلعاعا قاتىستى اكىمشىلىك ىستەر قوزعالىپ, سوتپەن اكىمشىلىك ايىپپۇلدار سالىندى. وبلىستىق پروكۋراتۋرانىڭ وتىنىشىنە سايكەس سوتپەن 71 اقپاراتتىق ماتەريال ەكسترەميستىك دەپ تانىلىپ, ەل اۋماعىندا تاراتىلۋىنا تىيىم سالىندى.
ەلىمىزدە ءدىني ەكسترەميزم مەن تەرروريزمگە قارسى ءىس-قيمىل جونىندەگى 2013 - 2017 جىلدارعا ارنالعان مەملەكەتتىك باعدارلامانى ىسكە اسىرۋ جونىندەگى ءىس-شارالار جوسپارىنىڭ ورىندالىسى دا قاتاڭ باقىلاۋعا الىندى. وبلىس پروكۋرورىنىڭ توراعالىعىمەن زاڭدىلىقتى, قۇقىقتىق ءتارتىپتى جانە قىلمىسقا قارسى كۇرەستى قامتاماسىز ەتۋ جونىندەگى ۇيلەستىرۋ كەڭەسىنىڭ وتىرىسىندا اتقارىلعان جۇمىستارعا, الداعى ۋاقىتتا اتقارىلۋى ءتيىس جانە وزەكتى ماسەلەلەر بويىنشا شەشىم قابىلداندى. وبلىستىق پروكۋراتۋرانى4 ارالاسۋىمەن «ءدىني ەكسترەميزم جانە تەرروريزمگە قارسى ءىس-قيمىلداردىڭ وزەكتى ماسەلەلەرى» تۋرالى دەرەكتى فيلم ءتۇسىرىلدى.
جولداسبەك شوپەعۇل.
دەرەك: اتىراۋ وبلىستىق پروكۋراتۋراسى.
سۋرەت: altaynews.kz.