انديجاندا جىلدام پالاۋ جەۋدەن تۋرنير ءوتتى. جەڭىمپاز جارتى ساعات ىشىندە 1 كگ 745 گرامم پالاۋ جەگەن, دەپ حابارلايدى Egemen.kz.
ايتا كەتەيىك, بۇل ءىس-شارا وزبەكستان مەن قىرعىزستان اراسىنداعى دوستىقتى نىعايتۋ ماقساتىندا ۇيىمداستىرىلعان. تۋرنيرگە وزبەكستان, قىرعىزستان, تاجىكستان ەلدەرىنىڭ تۇرعىندارى قاتىسقان.
قىرعىزستاننان كەلگەن قاتىسۋشى توكتوسۋن بەكماماتوۆ ءتۋرنيردىڭ جەڭىمپازى اتاندى. ول جارتى ساعاتتا 1 كەلى 745 گرامم پالاۋ جەپ, كەلەسى جىلى دا تۋرنيرگە قاتىسقىسى كەلەتىنىن اتاپ وتكەن.