اتىراۋ. 22 قاڭتار. اتىراۋ قالاسىنىڭ ىرگەسىندەگى مەكتەپ وقۋشىلارى بەلگىسىز نارسەدەن ۋلانىپ, وبلىستىق اۋرۋحاناعا شۇعىل جەتكىزىلدى. بۇل تۋرالى egemen.kz ءتىلشىسى حابارلادى.
«جۇمىسكەر» ەلدى مەكەنىندەگى ي.تايمانوۆ اتىنداعى مەكتەپتە وقيتىن وقۋىشلاردىڭ ءبىر توبى, ناقتىلاي ايتقاندا, 18 وقۋشى مەن ءبىر قىزمەتشى ءتۇس مەزگىلىندە وزدەرىن ناشار سەزىنگەن. دارىگەرلەر ولاردىڭ بارلىعىن اۋرۋحانا كەرۋەتىنە جاتقىزۋ جونىندە شەشىم قابىلدادى. دارىگەرلەردىڭ ايتۋىنشا, ۋلانعان بالالاردىڭ تاماعى جىبىرلاپ, قىشۋ پايدا بولعان. كەيىن قۇسۋ بەلگىلەرى كەزدەسكەن. اۋرۋحاناداعى بالالاردىڭ جاعدايى ورتاشا كورىنەدى.
«قازترانسگازايماق» فيليالىنىڭ ماماندارى تەكسەرۋ جۇرگىزدى. ازىرگە اتالعان مەكتەپ وقۋشىلارى مەن ءبىر ەرەسەك ادامنىڭ نەدەن ۋلانعانى انىقتالعان جوق.
جولداسبەك شوپەعۇل.
دەرەك: egemen.kz.
Cۋرەت: azh.kz.