اتىراۋ. 22 قاڭتار. اتىراۋ وبلىسىنىڭ اكىمى باقتىقوجا ىزمۇحامبەتوۆتىڭ وكىمدەرىمەن ءۇش باسقارمانىڭ جاڭا باسشىلارى تاعايىندالدى. بۇل تۋرالى egemen.kz ءتىلشىسى حابارلادى.
جەردىڭ پايدالانۋى مەن قورعالۋىن باقىلاۋ باسقارماسىنىڭ باسشىسى بولىپ عيبرات سۇلەيمەنوۆ تاعايىندالدى. ۇزاق جىلدار پروكۋراتۋرا جانە قالالىق, وبلىستىق اكىمدىكتە ءتۇرلى لاۋازىمدى قىزمەتتەر اتقارعان ع.سۇلەيمەنوۆ ەكى جوعارى وقۋ ورنىن بىتىرگەن. بۇعان دەيىن جەر رەسۋرستارىن باسقارۋ اگەنتىگىنىڭ اتىراۋ وبلىسى بويىنشا اۋماقتىق جەر ينسپەكتسياسىنا باسشىلىق جاساعان. ال مەملەكەتتىك ساۋلەت-قۇرىلىس باقىلاۋى باسقارماسىنىڭ باسشىسى لاۋازىمى قۋانىش مۇحامەتقالي ۇلىنا جۇكتەلىپ وتىر. ول قازاق مەملەكەتتىك ساۋلەت قۇرىلىس اكادەمياسى مەن قازاقستان ينجەنەرلىك-پەداگوگيكالىق حالىقتار دوستىعى ۋنيۆەرسيتەتىنىڭ تۇلەگى. 1999 جىلدان بەرى قۇرىلىس سالاسىنداعى كاسپىورىنداردا جۇمىس ىستەپ, ورال قالالىق قۇرىلىس ءبولىمى باستىعىنىڭ ورىنباسارى, باتىس قازاقستان وبلىستىق قۇرىلىس باسقارماسىنىڭ باستىعى قىزمەتتەرىن اتقارعان. 2013 جىلدان بەرى اتىراۋ وبلىستىق مەملەكەتتىك ساۋلەت-قۇرىلىس باقىلاۋ جانە ليتسەنزيالاۋ دەپارتامەنتى باسشىسىنىڭ مىندەتىن اتقارۋشى لاۋازىمىندا بولعان.
اتىراۋدا دا بۇعان دەيىن وبلىستىق مەملەكەتتىك ساتىپ الۋ باسقارماسى قۇرىلعان بولاتىن. جاڭا قۇرىلىم باسشىسىنىڭ مىندەتىن اتقارۋعا جۇماباي قاراعاەۆ تاعايىندالدى. ول م.گۋبكين اتىنداعى مۇناي جانە گاز مەملەكەتتىك اكادەمياسىن تاۋ-كەن ينجەنەرى ماماندىعى بويىنشا بىتىرگەن. تەحنيكا عىلىمدارىنىڭ كانديداتى. ءار جىلدارى ءتۇرلى كاسىپورىنداردا, اتىراۋ قالالىق جانە وبلىستىق اكىمدىكتەردە جۇمىس جاسادى. وسى كەزگە دەيىن اتىراۋ قالاسى اكىمىنىڭ ورىنباسارى لاۋازىمىن اتقاردى.
جولداسبەك شوپەعۇل.
دەرەك: «اتىراۋ» گازەتى.
سۋرەت: ria.ru.