تورتجىلدىقتىڭ باستى دوداسىنا قاتىساتىن ەڭ جاس جانە ەڭ ەگدە سپورتشىلار انىقتالدى, دەپ حابارلايدى Egemen.kz.
Championat مالىمەتىنشە, وليمپيادانىڭ ەڭ جاس سپورتشىسى - قىتاي وكىلى. جاسى نەبارى 11-دە. سكەيتبوردشى قىز چجەن حاوحاو 2021 جىلى 8 جاسىندا قىتايدىڭ ۇلتتىق ويىندارىنا قاتىسىپ, 14-ورىن العان. ال 2023 جىلى بۋداپەشتتە وتكەن ىرىكتەۋ كەزەڭىندە ءساتتى ونەر كورسەتىپ, پاريج وليمپياداسىنا جولداما جەڭىپ العان ەكەن.
(فوتو: b1rinshibol ينستاگرام)
ال ەڭ ەگدە قاتىسۋشى - 65 جاستاعى يسپانيالىق حۋان انتونيو حيمەنەس كوبو. ول پاريج-2024 ويىندارىندا ات سپورتىنان باق سىناماق.