بۇگىن الەم اسىعا كۇتكەن پاريج وليمپياداسىنىڭ الاۋى تۇتانادى. ۇيىمداستىرۋشىلار ءدۇبىرلى دودانىڭ اشىلۋ سالتاناتى تاريحي وقيعالارعا تولى بولاتىنىن ايتىپ وتىر, دەپ جازادى Egemen.kz.
بيىلعى وليمپيادانىڭ اشىلۋ سالتاناتى وليمپيا ويىندارىنىڭ تاريحىندا تۇڭعىش رەت اشىق اسپان استىندا وتەدى. الەمنىڭ تۇپكىر-تۇپكىرىنەن جينالعان سپورتشىلار سەنا وزەنىنەن كەمەمەن ءجۇزىپ ءوتىپ, شەرۋگە قاتىسادى.
شەرۋدە سپورتشىلار 6 شاقىرىمدىق قاشىقتىقتى باسىپ ءوتىپ, رەسمي ءراسىم وتەتىن تروكادەروداعا ايالدايدى.
ءىس-شارانىڭ كوركەمدىك جەتەكشىسى - تەاتر رەجيسسەرى توماس جوللي.
اشىلۋ سالتاناتىنا 3000 ونەرپاز قاتىساتىنىن ايتا كەتۋ كەرەك. سونىمەن قاتار الەمدىك ونەر جۇلدىزدارىنان سەلين ديون مەن لەدي گاگانىڭ ءان شىرقايتىنى بەلگىلى بولدى.
ەل ازاماتتارى وليمپيادانىڭ اشىلۋ سالتاناتىن بۇگىن, ساعات 22:30-دا Qazaqstan, QAZSPORT, Jibek Joly جانە «حابار» تەلەارنالارىنان تىكەلەي ەفيردە تاماشالاي الادى.