استانا. 26 ءساۋىر. كۇللى قازاقستان اۋماعىندا ازاماتتاردىڭ قازاقستاننىڭ كەزەكتەن تىس پرەزيدەنت سايلاۋىنا داۋىس بەرۋى اياقتالدى. بۇل تۋرالى egemen.kz ءتىلشىسى حابارلادى.
استانا ۋاقىتى بويىنشا ساعات 21:00-دە رەسپۋبليكانىڭ باسى وڭىرىندەگى باتىس قازاقستان, اتىراۋ, اقتوبە جانە ماڭعىستاۋ وبلىستارىندا سايلاۋ ۋچاسكەلەرى جابىلدى.
داۋىس بەرۋ رەسپۋبليكانىڭ نەگىزگى بولىگىندە ساعات 20:00-دە اياقتالدى.
قازاقستاندا پرەزيدەنت سايلاۋى وسىمەن بەسىنشى مارتە ءوتىپ وتىر. بۇل جولى پرەزيدەنتتىككە ۇمىتكەر بولىپ ءۇش ادام داۋىسقا ءتۇستى.
مۇنىڭ الدىندا, 2011 جىلى وتكەن سايلاۋدا قازىرگى ءىس باسىنداعى پرەزيدەنت نۇرسۇلتان نازارباەۆ سايلاۋشىلاردىڭ 95,55 پايىزدىق داۋىسىن العان ەدى.
سايلاۋدىڭ ءوتۋ بارىسىن 858 بايقاۋشى باقىلادى. ولاردىڭ 293-ءى ەقىۇ-دان, 410-ى تمد-دان, 10-ى شىۇ-دان, تاعى 15-ءى تۇركى مەملەكەتتەرى ىنتىماقتاستىعى كەڭەسىنەن, 11-ءى تۇركى مەملەكەتەرى پارلامەنتتىك اسسامبلەياسىنان,3-ءى يسلام ىنتىماقتاستىعى ۇيىمىنان كەلسە, 116 بايقاۋشى 37 شەت مەملەكەتتەن كەلدى.
بۇدان باسقا, 37 مەملەكەتتىڭ 168 ءجۋرناليسى اككرەديتاتسيا الدى.
قۇرىش نۇرىمبەت.
دەرەك, سۋرەت: egemen.kz.