استانا قالاسىنداعى قۇرىلىس الاڭدارىنىڭ بىرىندە جۇمىسشى كوز جۇمدى, دەپ حابارلايدى Egemen.kz.
جۇمىسشىنىڭ بيىكتەن قۇلاپ, ءاپ-ساتتە اجال قۇشقانى تۋرالى اقپارات الەۋمەتتىك جەلىدە پايدا بولدى.
قالالىق پوليتسيا دەپارتامەنتى وقيعا 2024 جىلدىڭ 19 شىلدەسىندە بولعانىن حابارلادى.
«قۇرىلىس الاڭىنداعى جۇمىسشىنىڭ ولىمىنە قاتىستى سوتقا دەيىنگى تەرگەۋ باستالدى. تەرگەۋ ورگاندارى ابايسىزدا ادام ولىمىنە اكەپ سوقتىرعان قۇرىلىس جۇمىستارىن جۇرگىزۋ كەزىندە قاۋىپسىزدىك ەرەجەلەرىن بۇزۋ فاكتىسى بويىنشا تەرگەۋ جۇرگىزىپ جاتىر», دەلىنگەن پد ءباسپاسوز قىزمەتى اقپاراتىندا.
پوليتسەيلەر قايعىلى وقيعانىڭ بارلىق ءمان-جايىن انىقتاۋ ءۇشىن جان-جاقتى تەرگەۋ جۇرگىزىپ جاتىر. ماماندار قۇرىلىس الاڭىندا قاۋىپسىزدىك نورمالارى مەن ستاندارتتارىنىڭ ساقتالۋىن, سونداي-اق قايعىلى جاعدايعا ۇلاسۋى مۇمكىن بۇزۋشىلىقتاردى تەكسەرەدى.