استانا. 26 ءساۋىر. كەشە, سەنبى كۇنى نيۋ-يوركتەگى اتاقتى «مەديسون-سكۆەر-گاردەن» ارەناسىندا بەلگىلى ۋكراين بوكسشىسى ۆلاديمير كليچكو امەريكالىق بارايانت دجەننينگسپەن شايقاستا ۇپاي سانىمەن جەڭىسكە جەتىپ, ءوزىنىڭ WBA (super), IBF جانە WBO ۆەرسيالارى بويىنشا اۋىر سالماقتاعى الەم چەمپيونى بەگەن اتاعىن قورعاپ قالدى. بۇل تۋرالى «سوۆەتسكي سپورت» حابارلادى.
بۇكىل ۇرىس بويىنا كليچكونىڭ قاتتى سوققىلارى دجەننينگسكە ءتيىپ جاتتى. ءتىپتى ايقاستىڭ اياعىنا قاراي وعان قارسىلاسىن نوكاۋتقا جىبەرۋدىڭ دە مۇمكىندىگى بولدى. بىراق امەريكالىق ودان امان كەتتى.
ۋكراين بوكسشىسى نەگىزىنەن ءوزىنىڭ بۇرىنعى مانەرىمەن شايقاستى. ال قاشا ءجۇرىپ ۇرىس سالاتىن بۇل ءتاسىلدىڭ جانكۇيەرلەرگە ۇناي قويماسى دا بەلگىلى. بۇعان بارايانت ءوزىنىڭ كلينچىن كوبىرەك قولدانۋعا تىرىستى. سونىڭدا تورەشىلەر شەشىم شىعارۋدى ءبىراز سوزىپ جىبەردى. اقىرىندا ولاردىڭ ەكەۋى 116-111, ال بىرەۋى 118-109 ەسەپتەرىمەن ۇتىستى كليچكوعا بەردى.
الايدا, كوپتەگەن جانكۇيەرلەر ارەنادان سەنىمدەرى الدانىپ قالعانداي سەزىمدە قايتتى.
دامير قوجامقۇل.
دەرەك, سۋرەت: سوۆەتسكي سپورت.