استانا. 22 قاڭتار. قىتاي حالىق رەسپۋبليكاسىنىڭ شىڭجاڭ-ۇيعىر اۆتونوميالى ولكەسىنىڭ التاي وكرۋگىندە قازاقتىڭ حالىق مەديتسيناسى مەن ۇلتتىق ويىنى – ات سپورتى مەملەكەتتىك ساناتتاعى ماتەريالدىق ەمەس مادەني مۇرانىڭ كەڭەيتىلگەن تىزىمىنە رەمي تۇردە ەنگىزىلدى. بۇل تۋرالى «سينحۋا» اگەنتتىگىنە سىلتەمە جاساعان «قازاقپارات» حابارلادى.
قازاقتىڭ حالىق مەديتسيناسى مەن ات سپورتى ويىندارى قازاق ۇلتى شوعىرلانعان التاي ولكەسىندە كەڭىنەن ءورىس العان.
وسى جىلعى ات سپورتى جارىسىنان ورىن العان جەڭىمپازداردىڭ ءبىرى وعان قازاق ۇلتتىق سپورت تۇرلەرى, اسىرەسە ات سپورتى ەرەكشە ۇنايتىنىن اتاپ ءوتتى. ول قازاق جاستارى بۇل ءداستۇردى ودان ءارى جالعاستىرىپ, كەلەشەكتە شەبەر شاباندوز بولاتىنىنا سەنىمى ءبىلدىردى.
ەجەلگى حالىق مەديتسيناسى – قازاق حالقىندا ۇرپاقتان-ۇرپاققا تاراپ كەلە جاتقان ءۇردىس. حالىق ەمشىسى وتەبويداق تىلەۋقابىل ۇلى 15-عاسىردا حالىق مەديتسيناسى تۋرالى جيناقتالعان ءبىلىمدى قورىتىندىلاپ, جۇيەلەپ كىتاپ ەتىپ شىعاردى.
التاي قازاق مەديتسيناسى اۋرۋحاناسىنىڭ وكىلى قازاقي ەم-دوم قالىپتى دارىلەرمەن قوسا, ديەتوتەراپيا جانە جارىق تەراپياسى سياقتى وزگەشە ەمدەۋ تاسىلدەرىن قامتيدى. اۋرۋحانادا قازاق حالىق مەديتسيناسى مەن زاماناۋي مەديتسينالىق تەحنولوگيالار ۇندەستىرىلە قولدانىلادى.
ايدار ورىسباەۆ.
دەرەك: «قازاقپارت».
سۋرەت: «قازاقپارت».